Page Text
________________
-XVIL.137] नायाधम्मकहाओ
208 ते आसा अच्छेरए दिवपुव्वे । तए णं से कणगकेऊ तेसिं संजुत्ताणं अंतिए पयमढे सोचा ते संजुत्तए एवं वयासी - गच्छह णं तुन्भे देवाणुप्पिया! मम कोडुबियपुरिसेहिं साद्धं कालियदीवाओ ते आसे आणेह । तएणं ते संजुत्तावाणियगा कणगकेउं एवं वयासी - एवं सामि त्ति आणाए विणएणं वयणं पडिसुणेति । तए णं से कणगकेऊ कोडुंबियपुरिसे सदावेइ २ एवं वयासी - गच्छह गं तुब्भे देवाणुप्पिया ! संजुत्तएहिं नावावाणियएहिं सद्धिं कालियदीवाओ मम आसे आणेह । तेवि पडिसुणेति । तए णं ते कोडुबिया सगडीसागडं सज्जेति २ तत्थ णं बहूणं वीणाण य वल्लकीण य भामरीण य कच्छभीण य भंभाण य छब्भामरीण य विचित्सवीणाण य अन्नेसिं च बहूणं सोयंदियपाउग्गाणं व्वाणं सगडीसागडं भरेंति २ बहणं किण्हाण य जाव सुकिलाण य कट्ठकम्माण य ४ गंथिमाण य ४ जाव संघाइमाण य अन्नेसिं च बहूणं चक्खिदियपाउग्गाणं दव्वाणं सगडीसागडं भरेंति २ बहूणं कोट्टपुडाण य केयइपुडाण य जाव अन्नेसिं च बहूणं घाणिंदियपाउग्गाणं दव्वाणं सगडीसागडं भरेंति २ बहुस्स खंडस्स य गुलस्स य सकराए य मच्छंडियाए य पुप्फुत्तरपउमुत्तर० अन्नेसिं च जिभिदियपाउग्गाणं व्वाणं सगडीसागडं भरेंति २ अन्नेसिं च बहुणं कोयवाण य कंबलाण य पावाराण य नवतयाण य मलयाण य मसूराण य सिलावहाण य जाव हंसगम्भाण य अन्नसिं च फासिंदियपाउग्गाणं दव्वाणं सगडीसागडं भरेंति २ सगडीसागडं जोयंति २ जेणेव गंभीरए पोयट्ठाणे तेणेव उवागच्छंति सगडीसागडं मोयंति २ पोयवहणं सज्जेति २ तेसिं उक्किट्ठाणं सद्दफरिसरसरूवगंधाणं कट्ठस्स य तणस्स य पाणियस्स य तंदुलाण य समियस्स य गोरसस्स य जाव अन्नसिं च बहणं पोयवहणपाउग्गाणं पोयवहणं भरेंति २ दक्खिणाणुकूलेणं वाएणं जेणेव कालियदीवे तेणेव उवागच्छंति २ पोयवहणं लंबेंति २ ताई उक्किट्ठाई सहफरिसरसरूवगंधाई एगट्ठियाहिं कालियदीवं उत्तारेंति २ जहिं जहिं चणं ते आसा आसयंति वा सयंति वा चिट्ठति वा तुयति वा तहिं तहिं च णं ते कोडुबियपुरिसा ताओ वीणाओ य जाव चित्तवीणाओ य
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |