Page Text
________________
150
नायाधम्मकहाओ...
[XIV.102
पउमावई नवण्हं मासाणं जाव पियदसणं सुरूवं दारगं पयाया । जं रयणिं च णं पउमावई दारयं पयाया तं रयाणि च णं पोट्टिला वि अमच्ची नवण्हं मासाणं विणिघीयमावन्नं दारियं पयाया । तए णं सा पउमावई देवी अम्मधाई सद्दावेइ २ एवं वयासी - गच्छह णं तुम अम्मो ! तेयलिपुत्तं रहस्सिययं चेव सद्दावेहि । तए णं सा अम्मधाई तहत्ति पडिसुणेइ २ अंतेउरस्स अवदारेणं निग्गच्छइ २ जेणेव तेयलिस्स गिहे जेणेव तेयलिपुत्ते तेणेव उवागच्छइ २ करयल जाव एवं वयासी - एवं खलु देवाणुप्पिया ! पउमावई देवी सहावेइ । तए णं तेयलिपुत्ते अम्मधाईए अंतिए एयमढें सोचा हट्ठतुढे अम्मधाईए साढे सयाओ गिहाओ निग्गच्छइ २ अंतेउरस्स अवदारेणं रहस्सिययं चेव अणुप्पविसइ २ जेणेव पउम(वई तेणेव उवागच्छइ करयल जाव एवं वयासो-संदिसंतु णं देवाणुप्पिया ! जं मए कायव्वं । तए णं पउमावई तेयलिपुत्तं एवं वयासी- एवं खलु कणगरहे राया जाव वियंगेइ । अहं च णं देवाणुप्पिया! दारगं पयाया। तं तुब्भे णं देवाणुप्पिया ! एयं दारगं गेहाहि जाव तव मम य भिक्खाभायणे भविरसइ तिकट्टु तेयलिपुत्तस्स हत्थे दलयइ । तए णं तेयलिपुत्ते पउमावईए हत्थाओ दारगं गेण्हइ उत्तरिजेणं पिहेई २ अंतेउरस्स रहस्सिययं अवदारेणं निग्गच्छइ २ जेणेव सए गिहे जेणेव पोटिला भारिया तेणेव उवागच्छइ २ पोट्टिलं एवं वयासी - एवं खलु देवाणुप्पिए ! कणगरहे राया रजे य जाव वियं - गेइ । अयं च णं दारए कणगरहस्स पुत्ते पउमावईए अत्तए । तन्नं तुमं देवाणुप्पिए! इमं दारगं कणगरहस्स रहस्सिययं चेव अणुपुत्वेणं सारक्खाहि य संगोवेहि य संवड्डेहि य । तए णं एस दारए उमुक्कबालभावे तव य मम य पउमावईए य आहारे भविस्सइ तिकटु पोटिलाए पासे निक्खिवइ २ पोट्टिलाएं पासाओ तं विणिहायमावन्नियं दारियं गेण्हइ २ उत्तरिजेणं पिहे. २ अंतेउरस्स अवदारेणं अणुप्पविसइ २ जेणेव पउमावई देवी तेणेव उवागच्छइ २ पउमावईए देवीए पासे ठावेइ जाव पडिनिग्गए । तए णं तीसे पउमावईए अंगपडि
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |