________________
આ પ્રમાણે પ્રત્યેક પદાર્થમાં પ્રત્યેક નય પોતપોતાની અપેક્ષા સ્વીકારે છે એ સ્પષ્ટ જણાઇ આવે છે.
(૨) દૃષ્ટાંત બીજું પ્રસ્થકનુંપ્રસ્થક-એટલે લાકડાનું ધાન્ય માપવાનું માપ વિશેષ. કોઇ એક સુથાર કાષ્ઠ લાવવા માટે ઘેરથી નીકળી જંગલ તરફ ચાલ્યો જાય છે. રસ્તામાં કોઇએ પૂછ્યું કે- "શું લેવા જાવ છો ?" ત્યારે તેણે કહ્યું કે- "હું પ્રસ્થક લેવા જાઉં છું." ત્યાર પછી તે જંગલમાં જઇને લાકડું કાપી રહ્યો છે. તે સમયે પૂછયું કે- "શું કાપો છો ?" ત્યારે કહ્યું કે- "હું પ્રસ્થક કાપું છું." લાકડું લઇને પોતાના ઘેર આવતાં પૂછ્યું કે- "શું લાવ્યા?" ત્યારે પણ કહ્યું કે- "હું પ્રસ્થક લાવ્યો." આ પ્રમાણે લાકડાંને ચીરતાં, છોલતાં, ઘડતાં અને પ્રસ્થકનો આકાર બનાવતાં સુધી પ્રશ્ન પૂછતાં પણ જવાબમાં તે સુથાર પ્રસ્થક શબ્દથી જ સંબોધી રહ્યો છે.
પ્રસ્થક બન્યા પછી પણ પ્રશ્ન પૂછતાં જવાબમાં પૂર્વની જેમ પ્રસ્થક શબ્દનો જ પ્રયોગ કરી રહ્યો છે.
આ દૃષ્ટાંતમાં સુથારે સર્વ સ્થળે પ્રસ્થકનું જે ઉચ્ચારણ કર્યું છે તે નૈગમનયને આશ્રયીને છે. આમાં વિશેષની પ્રધાનતા જણાઇ આવે છે.
(૩) દૃષ્ટાંત ત્રીજું ગામનું
તીર્થાધિરાજ શ્રી સિદ્ધગિરિ મહાતીર્થની યાત્રાએ નીકળેલો છરી પાળતો સંઘ અનેક સ્થળે મુસાફરી કરતાં કરતાં જ્યારે પાલીતાણાની સરહદમાં પ્રવેશ કરે ત્યારે તેઓમાંથી પહેલ વહેલો યાત્રાર્થે આવેલો એવો કોઇ યાત્રાળુ જાણકાર અન્ય
71
