________________
આની કીમત વધારે છે અને એના કરતાં આની કીમત ઓછી છે. આ રીતે વિશ્વના સર્વ વ્યવહારમાં સ્યાદ્વાદ સમજવો.
(૧૫) ઝઘડો શમાવવામાં પણ સ્યાદ્વાદ કોઇ પણ પ્રકારનો પરસ્પર ઝઘડો ચાલતો હોય, પણ જો (સ્યાદ્વાદનું આલંબન લેવામાં આવે તો તે તત્કાલ શમી જાય છે.
એક ઘરમાં સાસુ અને વહુ પરસ્પર ઝઘડો ચાલ્યા જ કરે છે. કોઈ પણ રીતે શમતો નથી. કારણ કે, તેમાં જો સાસુનો પક્ષ કરવામાં આવે તો વહુને ખોટું લાગે છે અને વહુનો પક્ષ કરવામાં આવે તો સાસુને ખોટું લાગે છે. છેવટે ઝઘડો પતાવનારાએ કહ્યું કે, "આમાં સાસુની પણ કાંઇક ભૂલ છે અને વહુની પણ કાંઇક ભૂલ છે. માટે હવે બન્નેએ શાંત થવું જોઇએ અને સંપીને રહેવું જોઈએ."
આથી બન્ને સમજી ગયાં અને ઝઘડો ત્યાં જ શમી ગયો. એ. પ્રભાવ કોનો? સ્યાદ્વાદનો.
આ રીતે પતિ અને પત્નીનો, પિતા અને પુત્રનો, શેઠ અને નોકરનો, રાજા અને રૈયતનો, શત્રુ અને મિત્રનો, ગુરુ અને શિષ્યનો કે કોઈ પણનો પરસ્પર ચાલતો ઝઘડો સ્યાદ્વાદના આલંબનથી અવશ્ય શમી જશે એ નિઃસંશય છે.
(૧૬) વિશ્વશાંતિ સ્થાપવામાં પણ રચાતાદ | વિશ્વશાંતિ સ્થાપવામાં સ્યાદ્વાદનો અભૂતપૂર્વ અને અમૂલ્ય ફાળો છે.
પૂર્વે પણ જ્યારે જ્યારે જગતમાં અશાંત વાતાવરણ પ્રસરેલું
=
38.
E
