________________
સાહિત્યના ઘણા ઊંડા અભ્યાસી હતા. તેઓ અવારનવાર જૈન સામયિકોમાં જૈન તત્ત્વાર્થ ઉપર લેખો લખતા. જૈન સાહિત્યના પ્રચાર અર્થે નાનાં નાનાં પુસ્તકો જેવાં કે ‘સરલ સામયિક સ્વરૂપ', “સામાયિક સદ્બોધ', “નયમાગોપદેશિકા',
સ્યાદ્વાદમતસમીક્ષા', “તત્ત્વાર્થ પ્રશ્નોત્તરદિપીકા” આદિ પુસ્તકો સાદી, સરળ અને સચોટ ભાષામાં લખ્યાં છે. સ્થાવાના સિદ્ધાંતને વધુ વ્યાપક બનાવવા અને વિશાળ જનસમુદાયને તેનો સારો લાભ મળે તે માટે તેઓશ્રીએ પોતાની જિંદગીનાં છેલ્લાં વર્ષોમાં અથાગ મહેનત લઈ “સ્યાદ્વાદ સમીક્ષા' નામનું પુસ્તક બહાર પાડેલ છે. ગુજરાતીમાં લખાયેલ આ પુસ્તકનું હિન્દી ભાષામાં ભાષાંતર કરવાની આશાર્યશ્રી વિજયવલ્લભસુરીશ્વરજી મહારાજ સાહેબ તરફથી પ્રેરણા અને માર્ગદર્શન મળતાં તેમજ પૂ. વિદ્યાવિજયજી મહારાજ સાહેબ તરફથી સંપૂર્ણ સહકાર મળતાં તે પુસ્તક - હિંદીમાં બહાર પાડવાની પ્રવૃત્તિઓ કરે છે. સહિષ્ણુતા, સેવા અને અચળ શ્રદ્ધા એ તેમના આધ્યાત્મિક અને સાહિત્યજીવનના પ્રેરક તત્ત્વો હતાં. તેમણે તેમના જીવનની પાછલી અવસ્થામાં પણ ધાર્મિક અને સાહિત્યિક પ્રવૃત્તિઓ ચાલુ રહી હતી. આવા વિદ્વાન, શિક્ષણ અને સાહિત્યપ્રેમીના જીવનની વિવિધતા, વિચારની વિપુલતા,હૃદયની કોમળતા, કુટુમ્બ તરફની વત્સલતા, મિત્રો તરફની સ્નેહાળ વૃત્તિ, પૂ.આચાર્યો તથા મુનિમહારાજે પ્રત્યેનો ભક્તિભાવ તથા પૂજ્યભાવ વગેરે સદ્ગણોનો અનુભવ તેમની નિકટમાં આવનાર વ્યક્તિઓને સારી રીતે થયો છે. એટલું જ નહીં પણ તેઓશ્રી અનેકને અનેક રીતે માર્ગદર્શક બન્યા છે. તેમણે પોતાનું જીવન શિક્ષણક્ષેત્ર અને સાહિત્ય સેવા પાછળ વ્યતીત કરી જૈન સમાજના ઉત્કર્ષ માટે જે અમૂલ્ય ફાળો આપ્યો છે તે ખરેખર પ્રશંસનીય છે.
તેઓશ્રી ટૂંકી માંદગી ભોગવી તા. ૨૭-૪-૫૪ ને મંગળવારે અવસાન પામ્યા છે. તેમની પાછળ તેઓશ્રી વિશાળ કુટુંબ તથા બહોળું મિત્રમંડળ મૂકી ગયા છે. શાસનદેવ સદ્ગતના આત્માને શાંતિ અર્પે.
