________________
काइअ अहिगरणिआ, पाउसिया पारितावणी किरिया । पाणाइवायारंभिय, परिग्गहिआ मायावत्ती अ ॥२२॥
मिच्छादंसणवत्ती, अपच्चक्खाणी य दिट्ठि पुट्ठि य । पाडुच्चिय सामंतो, वणीअ नेसत्थि साहत्थी ॥ २३ ॥ आणवणि विआरणिया, अणभोगा अणवकंखपच्चइआ । अन्ना पओग समुदाण, पिज्ज दोसेरियावहिया ॥२४॥
समिइ गुत्ति परिसह, जइधम्मो भावणा चरिताणि । पण ति दुवीस दस बार, पंचे भेएहिं सगवन्ना ॥२५॥
इरिया भासेसणादाणे, उच्चारे समिइसु अ । मणगुत्ती वयगुत्ती, कायगुत्ती तहेव य ॥२६॥ खुहा पिवासा सी उन्हं, दंसाचेलारइत्थिओ | चरिया निसीहिया सिज्जा, अक्कोस वह जायणा ॥२७॥
अलाभ रोग तणफासा, मल-सक्कार -परिसहा । पन्ना अन्नाण सम्मत्तं, इअ बावीस परिसहा ॥२८॥
खंती मद्दव अज्जव, मुत्ती तव संजमे अ बोधव्वे । सच्चं सोअं आकिंचणं च बंभं च जइधम्मो ॥२९॥ ! पढममणिच्चमसरणं, संसारो एगया य अन्नत्तं । असुइत्तं आसव, संवरो य तह णिज्जरा नवमी ॥३०॥
लोगसहावो बोही, दुल्लहा धम्मस्स साहगा अरिहा । एआओ भावणाओ, भावे अव्वा पयत्तेणं ॥ ३१ ॥
सामाइअत्थ पढमं, छेओवट्ठावणं भवे बीअं । परिहारविसुद्धीअं, सुहुमं तह संपरायं च ॥३२॥
श्री नवतत्त्व प्रकरण
२१
