Page Text
________________
નાહરજીના ભંડારની પ્રતિમાં સં. ૧૨૦૪માં પાટણમા ખરતર બિરદ મળ્યાનો ઉલ્લેખ છે. આ રીતે પટ્ટાવલીઓમાં મોટો વિસંવાદ છે. યુગપ્રધાનાચાર્ય ગુર્નાવલીમાં આ. જિનેશ્વરસૂરિને ખરતર બિરુદ મળ્યાનો ઉલ્લેખ નથી.
૮. સં. ૧૨૮૦ નો આબુરાસ, સં. ૧૨૯૦ ની પ્રબંધાવલી, સં. ૧૪૦૫ નો આ. રાજશેખરનો પ્રબંધકોશ, સં. ૧૪૬૬ની આ. મુનિસુંદરસૂરિની ગુર્નાવલી, સં. ૧૪૮૦ નો આ. સોમસુંદરસૂરિનો અબ્દકલ્પ, સં. ૧૬૨૨ નો પં. કુલસાગરગણિનો ઉપદેશસાર વગેરે ઐતિહાસિક ગ્રંથોમાં ઉલ્લેખ છે કે, ચાર ગચ્છના આચાર્યોએ આબુ ઉપર સં. ૧૦૮૮માં વિમલવસતિની પ્રતિષ્ઠા કરી હતી (જુઓ, પ્ર. ૩૫, પૃ. ૧૩૧; પ્રક. ૩૭, પૃ. ૨૩૭ થી ૨૩૯-ટિપ્પણી). ખરતરગચ્છીય મહો. જિનપાલગણી “યુગપ્રધાનાચાર્યગુર્નાવલી”માં, આ. જિનપ્રભસૂરિ “વિવિધતીર્થકલ્પ'માં વિમલવસતિના પ્રતિષ્ઠાપક તરીકે આ. વર્ધમાનસૂરિને બતાવતા નથી જ, છતાં પટ્ટાવલીકારો તેના પ્રતિષ્ઠાપક તરીકે આ. વર્ધમાનસૂરિને ગોઠવે છે. એ જ રીતે અંચલગચ્છના પટ્ટાવલીકારો તેના પ્રતિષ્ઠાપક તરીકે વલભીગચ્છના આ. સોમપ્રભસૂરિને બતાવે છે.
૯. ખરતરગચ્છની પટ્ટાવલીઓમાં ફલોધિતીર્થની પ્રતિષ્ઠા તાદ્યવૃત્ બતાવી છે. મહો. ક્ષમાકલ્યાણક પર્વકથામાં આ. વાદિદેવસૂરિના વાસક્ષેપથી ફલોધિતીર્થની સ્થાપના જણાવી છે. છતાં કોઈ કોઈ લેખક એનો યશ ખરતરગચ્છને આપે છે.
૧૦. આઈન ઈ અકબરી, બાદશાહી ફરમાનો, અકબર બાદશાહે આ. જિનચંદ્રને આપેલું મુલતાનનું ફરમાન અને તત્કાલીન ગ્રંથોના આધારે નક્કી છે કે, પૂઆ. જગદ્ગર શ્રીહીરવિજયસૂરિએ સમ્રાટ અકબરને પ્રતિબોધ કર્યો અને દયાપ્રેમી બનાવ્યો, જ્યારે પટ્ટાવલીકારોએ આ. જિનચંદ્ર સમ્રાટ અકબરને પ્રતિબોધ કર્યાનું જણાવ્યું છે.
૧૧. તુજકે જહાંગીરના ઉલ્લેખથી સ્પષ્ટ થાય છે કે, બાદશાહ જહાંગીર આ. જિનચંદ્રના પટ્ટધર ઉપા. માનસિંહ (આ. જિનસિંહ) પ્રત્યે નારાજ હતો અને તેથી તેણે આગરામાં તેમના યતિઓનો વિહાર બંધ કરાવ્યો હતો (જુઓ, પ્ર. ૪૪, જહાંગીર). આ. જિનચંદ્ર મહો. વિવેકહર્ષગણિ, ૫. મહાનંદ, પં. પરમાનંદ વગેરેના સહયોગથી તે વિહાર ખુલ્લો કરાવ્યો હતો જ્યારે કોઈ કોઈ લેખક વિહાર બંધ કરાવ્યાનો દોષ બીજાઓ ઉપર ઓઢાડવાનો પ્રયત્ન કરે છે.
૧૨. કલિકાલસર્વજ્ઞ આ. હેમચંદ્રસૂરીશ્વર અને ગૂર્જરેશ્વર કુમાલપાલનું સ્વર્ગગમન સં. ૧૨૨લ્માં થયું હતું. પટ્ટાવલીમારો સં. ૧૧૭૮ થી ૧૨૩૧ સુધી તેઓની વિદ્યમાનતા બતાવે છે.
૧૩. સં. ૧૬૯૦ની ખરતરગચ્છીય પટ્ટાવલીમાં આ. ઉદ્યોતનસૂરિએ ગચ્છવર્ધક મુહૂર્તમાં આ. વર્ધમાનને જ આચાર્યપદ આપવાનું જણાવ્યું છે. જ્યારે ખરતરગચ્છની બીજી પટ્ટાવલીઓ અને બીજા ગચ્છની વિભિન્ન પટ્ટાવલીઓમાં આ. ઉદૂદ્યોતનસૂરિએ આ. સર્વદવ વગેરે આઠ આચાર્યોને આચાર્યપદ આપવાનું અને મંત્રી વિમલ શાહને કોઈ સંતાન ન હોવાનું જણાવેલ છે..
૧૪. આ. જિનદત્તસૂરિની સ્વર્ગવાસ તિથિ માટે પટ્ટાવલીઓમાં એકમત નથી.
(11)
| SR No. | 022322 |
| Book Title | Satthisay Payaranam |
| Original Sutra Author | N/A |
| Author | Jaydarshanvijay |
| Publisher | Jinagna Prakashan |
| Publication Year | 2010 |
| Total Pages | 104 |
| Language | Sanskrit |
| Classification | Book_Devnagari |
| File Size | 8 MB |