________________
( ३९ ) देवीशरच्छीकुमद ! सुदर्शननृपात्मज !। अरनाथ ! वितर मे, भवोत्तरणवैभवम् ॥२५॥ कुम्भाम्भोधिसुधाकुम्भ! प्रभावत्यङ्गसम्भव !। कर्मक्षयमहामल्ल ! मल्लिनाथ ! शिवं दिश ॥२६॥ सुमित्रहिमवत्पन्नहृद ! पद्मावतीसुत !। मुनिसुव्रततीर्थेश ! नमस्ते परमेश्वर ! ॥२७॥ वातावज्राकरमहीवज्र ! श्रीविजयात्मज !। जगन्नमस्यपादाब्ज ! नमस्तुभ्यं नमिप्रभो! ॥२८॥ शिवगामिन् ! शिवासूनो ! समुद्रानन्दचन्द्रमः । अरिष्टनेमे ! भगवन् ! नमः कारुणिकाय ते ॥२९॥ अश्वसेनावनीपालकुलचूडामणे ! प्रभो !। वामासूनो ! नमस्तुभ्यं, श्रीमत्पार्श्वजिनेश्वर ! ॥ ३० ॥ सिद्धिसम्प्राप्तिसिद्धार्थ ! सिद्धार्थनृपनन्दन ! त्रिशलाहृदयाश्वास ! श्री वीर ! भवते नमः ॥ ३१ ॥
