________________
- २५७
मूलशुद्धिप्रकरणम्-द्वितीयो भागः
तं सव्वं नरवइणो सविसेसं अक्खियं चरनरेहिं । सोउण तयं राया सुत्थो नियमाणसे जाओ ॥३०॥ अह अन्नया नरिंदो आयंके दारुणे समुप्पण्णे । नियआउयस्स अंतं जाणित्ता पेसए लेहं ॥३१॥ "सिरिजिणमुणिणो नमिउं रायगिहाओ पसेणई राया । बिण्णायडम्मि कल्लाणभायणं सेणियकुमारं ॥३२॥ आइसइ सिग्घमेव य आगंतव्वं पलोइडं लेहं" । वरियारूढा सचिवा गंतुं लेहं पणामिति ॥३३॥ गहियत्थेणं कुमरेण जंपिया सा पिया जहा "भद्दे ? । पंडरकुड्डा अम्हे गोपाला रायगिहनयरे ॥३४॥ जइ अम्हेहिं कज्जं आगंतव्वं तओ तए तत्थ" । इय अक्खरा विलिहिउं अप्पिय तीए चडड् वरियं ॥३५॥ रोयगिहं संपत्तो तं दटुं हरिसिओ मणे राया । अहिसिंचिय तं रज्जे घेत्तूणं अणसणं तत्तो ॥३६॥ पंचनमोक्कारपरो चउसरणगओ समाहिणा मरिठं । संपत्तो सुरलोए इमो विजाओ महाराया ॥३७॥ एत्तो च्चिय सा नंदा गब्भवई चेव भत्तुणा मुक्का । परिवडते गब्भे संजाओ डोहलो तीए ॥३८॥ 'जइ नीसेसजणाणं करिवरखंधट्ठिया विभूईए । कुणमाणी उवयारं अभयपयाणं पयच्छामि' ॥३९॥ विण्णविउं रायाणं दोहलयं तीए पूरए सेट्ठी । पडिपुण्णेसु दिणेसु पसवइ वरदारयं एसा ॥४०॥ सव्वंगसुंदरंगं जणमण-नयणाभिरामयं कंतं ।। वद्धावणयमहूसवमाइसइ सुतुट्ठओ सेट्ठी ॥४१॥ वत्ते वद्धावणए बारसमदिणम्मि गोण्णमह नाम । दोहल अणुसारेणं अभयकुमारो त्ति से ठवियं ॥४२॥
१. सं.वा.सु. अप्पइ ।। २. ला. रायगिहे ॥ ३. ला. 'ओ तओ राया ॥ ४. सं.वा.सु. तत्तो ॥ ५. ला. वित्ते॥ मूल. २-३३
