Page Text
________________
॥३३८८॥ ॥ २३८९॥ ॥ ३३९०॥ ॥ ३३९१ ॥ ॥३३९२॥ ॥३३९३॥
किंचजे साहू पंचविहं, सुद्धिमऽलभ्रूण मुत्तिमिच्छंति । पंचविहं च विवेयं, ते हु समाहि न पावेंति आलोयण सेज्जाए, उवहीए तह य भत्तपाणस्स। वेयावच्चकराण य, सुद्धी खलु पंचहा भणिया अहवा दंसणनाण-चरित्तसुद्धी य विणयसुद्धी य । आवासयसुद्धी वि य, पंचवियप्पा हवइ सुद्धी इंदिय कसाय उवहीण, भत्तपाणस्स तह सरीरस्स। एस विवेगो भणितो, पंचविहो भावदव्वगता अहवा सरीर सेज्जा-संथारु वहीण भत्तपाणस्स । वेयावच्चगराण य, एस विवेगो उ पंचविहो इय कयसव्वच्चागो, लीलाए हरइ मरणकाले वि। विजयपडायं सहसा, सहस्समल्लो व्व मुणिवसभो तहाहिसंखउरम्मि पुरवरे, अहेसि भूमिवई कणगकेऊ । नयसच्चचायसोंडीर-याऽऽईगुणरयणरयणनिही सेवाविहिम्मि कुसलो, गुणाऽणुरागी य परमभत्तो य । नामेण वीरसेणो, तस्साऽसी सेवगो एक्को सो पुण विणयपरक्कम-पमुहगुणाऽऽवज्जिएण नरवइणा । गामसयजीवणं पि हु, दिज्जन्तं नो समीहेइ अह एगम्मि अवसरे, सदेससीमामडंबनाहेण । दुग्गबलगविएणं, चोराहिवकालसेणेणं हीरंतं निजदेसं, निसामिउं जायगाढकोवेणं । उब्बद्धभिउडीमीमा-ऽऽणणेण भणियं महीवइणा हंहो महन्तसामन्त-मन्तिसेणाहिवा! सुहडपवरा! । कि कोवि कालसेणं, णिज्जिणिउं भे समत्थोऽस्थि अह जावऽज्ज वि सामन्त-पभिइणो नेव किंपि जंपंति । देव! समत्थो ऽहं ताव, जंपियं वीरसेणेणं तो सविलासाए सपम्हलाए, वियसंतकुमुयसोहाए। दिट्ठीए सप्पसायं, पलोइओ सो नरिंदेणं सामिसपसायलोयण-पलोयणुऽप्पण्णगुरुपमोएण । पुणरवि तेणं भणियं, देव! विसज्जेसु मं एगं रण्णा सहत्थतंबोल-दाणपुव्वं विसज्जिओ ताहे। सामन्ताऽऽइजणो वि य, मोणेण ठिओ असूयाए अह रायाणं पणमिय, नीहरिओ सो झडत्ति नयराओ। पत्तो य कालसेणस्स, पल्लिनाहस्स पासम्मि भणितो य तेण एसो, रुट्ठो तुह भूवई कणगकेऊ । कालमुहं पविससि काल-सेण ! सेणाए सममिण्हेिं दुव्वहगव्वुग्गीवेण, कालसेणेण सोउमऽवि एवं । किं एगागी काही, इमो वरागो त्ति अवगणिओ तो कुवियकयन्तकडक्ख-तिक्खमुक्खणियखग्गधेणुलयं । पाइक्कचक्कपम्मुक्क-घायसंघायमऽगणेतो अत्थाणमंडलि भिदिऊण, कयकरणयाए रणसूरो । केसेसु कालसेणं, झडत्ति सो गिहिउं भणइ रे रे पुरिसा ! जइ मज्झ, घायमेत्तो करिस्सह हयासा! । कालेण नूण कवलि-ज्जिही तया तुम्ह एस पहू तग्घायकरा पुरिसा, पडिसिद्धा तयऽणु कालसेणेण । जो इह पहरइ सो मह, पहरइ जीए त्ति भणिरेण एत्थंऽतरम्मि तग्गुण-रंजियमणकणगकेउवयणेण । हरिकरिरहजोहाऽऽउल-मऽणुपत्तं चाउरंगबलं ताहे सो वंचित्ता, अणाऽऽउलंगेण वीरसेणेण । भत्तिभरनिब्भरेणं, उवणीओ कणयकेउस्स तुट्ठो राया दिण्णं, गामसहस्सं च से पसाएण । नाममऽवि तस्स ठवियं, सहस्समल्लो त्ति भूवइणा सो वि मडंबाऽहिवई, संधि घडिऊण निययठाणम्मि । सक्कारिऊण रण्णा, विसज्जिओ हरिसियमणेण कालक्कमेण पवरो, सुदंसणो नाम मुणिवई तत्थ । उज्जाणम्मि णिसण्णो, दिट्ठो य सहस्समल्लेण अह भत्तिभरोणयमत्थएण, वंदित्तुं तस्स सो चरणे । जिणधम्मं सोउमणो, आसीणो भूमिवट्ठम्मि गुरुणा वि य संसारा-ऽसारत्तपरूवणागुणपहाणो । निव्वाणलाभसारो, कहिओ जिणदेसिओ धम्मो आयण्णिऊण य इम, महन्तजायन्तपवरवेरग्गो । नमिऊण पुणो चलणे, गुरुणो भणिउं समाढत्तो भयवं! तवचरणविवज्जियाण, अच्चंतमोहमूढाण । भवजलहिनिवडियाणं, जीवाणं कामभोगेहि धणसयणाऽऽईएहि, थेवो वि हु जायए न साहारो । मोत्तूणमेक्कमऽमलं, धम्मं, चिय परभवसहेज्जं ता जइ पेच्छह मम किंपि, जोग्गयं देह झत्ति पव्वजं । पज्जंतदारुणेणं, पज्जत्तं गेहवासेणं ता सुत्तुवओगेणं, गुरुणा से जोग्गयं मुणेऊण । दिण्णा जिणिददिक्खा, असंखदुक्खोहखयजणणी तो नायसाहुजणजोग्ग-पवरकिरियाकलावपरमत्थो । अहिगयबहुसुत्तऽत्थो, सो जाओ थेवदियहेहि
।। ३३९४ ॥ ।। ३३९५ ॥ ॥ ३३९६ ॥ ॥३३९७॥ ॥ ३३९८॥ ॥ ३३९९ ॥ ॥ ३४००॥ ॥३४०१ ॥ ॥ ३४०२॥ ॥ ३४०३॥ ॥ ३४०४॥ ॥ ३४०५ ।। ॥ ३४०६ ॥ ॥३४०७॥ ॥ ३४०८॥ ॥३४०९॥ ॥३४१०॥ ॥ ३४११॥ ॥ ३४१२ ॥ ॥३४१३॥ ॥ ३४१४ ॥ ॥ ३४१५ ॥ ॥ ३४१६ ॥ ॥ ३४१७॥ ॥ ३४१८॥ ॥ ३४१९॥ ॥ ३४२०॥ ॥ ३४२१॥ ॥३४२२॥ ॥ ३४२३॥
GG
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |