________________
आराहणापणगं (५) तित्थयरनाम-गोयं वेएंते बंधमाण बदे य। बंधिंसु जे वि जीवा अज्जं चिय ते वि वंदामि ॥२४४|| विहरंति जे मुणिंदा छउमत्था अहव जे गिहत्था वा । उप्पन्ननाणरयणा सव्वे तिविहेण वंदामि ||२४५||
जे संपइ परिसत्या अहवा जे समवसरणमज्झत्था । देवच्छंदगया वा जे वा विहरंति धरिणयले ॥२४६||
साहेति जे विधम्म जे वि न साहेति छिन्नमयमोहा । वंदामि ते वि सव्वे तित्थयरे मोक्खमग्गस्स ॥२४७||
तित्थयरीओ तित्थंकरे य सामे य कसिणगोरे य | मुत्ताहल-पउमाभे सव्वे तिविहेण वंदामि ॥२४८||
उज्झियरज्जे अहवा कुमारए दारसंगहसणाहे | .. सावच्चे निरवच्चे सब्वे तिविहेण वंदामि ॥२४९|| भव्वाण भवसमुद्दे निबुडमाणाण तरणकञ्जम्मि । तित्थं जेहिं कयमिणं तित्थयराणं नमो ताणं ॥२५०||
तित्थयराण पणामो जीवं तारेइ दुक्खजलहीओ। तम्हा पणमह सव्वायरेण ते चेय तित्थयरे ॥२५१||
