________________
પૂ. પદ્મલતાશ્રીજીની જીવન ઝરમર
હેમચંદ્રસૂરીશ્વરજી મ. તથા પૂજ્ય પંન્યાસશ્રી પ્રદ્યુમ્નવિજયજી મહારાજ અપૂર્વ વિદ્વતા મેળવી સાહિત્યની મહાન સેવા કરી રહ્યા છે તથા વ્યાખ્યાનાદિ દ્વારા ધર્મોપદેશ આપી જિનશાસનની મહાન પ્રભાવના કરી રહ્યા છે. તથા સાધ્વીજી શ્રી હેમલતાશ્રીજી મ. પણ તપ/ત્યાગ અને નિર્મળ સંયમની આરાધના કરવા પૂર્વક અનેક આત્માઓને ઉપદેશ પ્રેરણા આપી કલ્યાણ કરી રહ્યાં છે. નાની નાની ઉંમરની ગ્રેજયુએટ બહેનો તેમના ઉપદેશથી પ્રતિબોધ પામી સંયમી બન્યા છે. તેઓ પણ ૧૯/૨૦ જેટલી સંખ્યામાં જ્ઞાન/ધ્યાન અને તપ/ત્યાગની આરાધના કરી સ્વ પર કલ્યાણ કરી રહ્યા છે.
૧૪
બા મહારાજના વ્હાલસોયા નામથી જાણીતા અને સૌના માનીતા તેઓ અત્યારે ૮૨ વર્ષ જેવી બુઝર્ગ વયે પણ અદમ્ય ઉલ્લાસથી તપ/સંયમની આરાધનામાં પોતાનું બળ/વીર્ય ફોરવી રહ્યા છે.
શરીર ભલે ઘરડું થયું અને પગ પણ ભલે થાકયા છતાં મનનો ઉત્સાહ કદીયે ઓછો થયો નથી. લગની એક જ કર્મ ખપાવવાની અને ઝટપટ મુકિત મેળવવાની, તેઓની સરળતા, નિર્દોષતા, નિર્દેહિતા, ભવભીરુતા અને મન્દકષાયિતા વગેરે ગુણો જ્યારે જોઈએ ત્યારે એવું લાગ્યા વગર રહેજ નહિં કે આ આત્મા અલ્પસમયમાં પોતાનો અવશ્ય નિસ્તાર કરી દેશે.
