________________
आराहणापणगं (५) पणमामि गणहराणं जिणवयणं जेहिं सुत्तबंधेणं । बंधेऊण तह कयं पत्तं अम्हारिसा जाव ॥२६८||
चोद्दसपुवीण नमो, आयरियाणं तहूणपुवीणं | वायगवसभाण नमो, नमो य एक्कारसंगीणं ॥२६९||
आयारधराण नमो धारिज्जइ जेहिं पवयणं सयलं । नाणधराणं ताणं आयरियाणं पणिवयामि ॥२७०||
नाणायारधराणं दंसण-चरणे विसुद्धभावाणं । तव-विरियधराण नमो आयरियाणं सुधीराणं ॥२७१||
जिणवयणं दिप्पंतं दीवंति पुणो पुणो ससत्तीए । पवयणपभासयाणं आयरियाणं पणिवयामि ॥२७२||
गूढं पवयणसारं अंगोवंगे समुद्दसरिसम्मि | अम्हारिसेहिं कत्तो तं नज्जइ थोयबुद्धिहिं ? ॥२७३||
