Page Text
________________
યોગસાર પ્રકરણ/પ્રથમ પ્રસ્તાવ/બ્લોક-૩૨-૩૩
૩૯
ઉપાયરૂપ વિરતિમાં ઉદ્યમ કરે છે. અને સર્વવિરતિની શક્તિનો સંચય થયો નથી છતાં સર્વવિરતિની શક્તિનો સંચય કરવા જ પોતાની ભૂમિકા અનુસાર દેશવિરતિ પાળીને ઉત્તરોત્તરની દેશિવરતિ માટે શક્તિનો સંચય કરે છે. અને તે શ્રાવક સિંહની જેમ પરાક્રમ કરીને કર્મનો નાશ કરવા તત્પર થયેલો છે.
આવો શ્રાવક પૂર્વનાં સંચય કરાયેલાં ઘણાં કર્મવાળો હોય તો સર્વવિરતિની પ્રાપ્તિમાં વિઘ્ન થાય એવાં કર્મો વિદ્યમાન હોવાથી આ ભવમાં કદાચ સર્વવિરતિ ગ્રહણ ન પણ કરી શકે તોપણ પ્રતિદિન ઉત્તમ સામગ્રીથી ભગવાનની પૂજા કરે છે અને વિચારે છે કે ભાવસ્તવના ઉપાયરૂપે જ ભગવાને આ દ્રવ્યસત્વનું વિધાન કરેલ છે માટે શક્તિના પ્રકર્ષથી હું દ્રવ્યસ્તવ કરું અને તેના દ્વારા પ્રતિદિન ચિત્તને વીતરાગના ગુણોથી વાસિત કરું કે જેથી સર્વવિરતિની શક્તિનો સંચય થાય. આ પ્રકારના શુભભાવથી તે શ્રાવક પ્રતિદિન દ્રવ્યસ્તવ કરીને પણ પોતાના આત્મામાં સર્વવિરતિની શક્તિનો સંચય કરે છે. આવો શ્રાવક અલ્પકાલમાં અખિલ કર્મનેસમસ્ત કર્મને, દલીને શીઘ્ર મોક્ષને પામે છે.
મહાવિદેહક્ષેત્રમાં તીર્થંકરના સમવસરણમાં કોઈક દસ દેવતાઓ આવીને ભગવાનની ભક્તિથી ભગવાન સન્મુખ નૃત્ય કર્યું. તેઓનું દૈવી તેજ જોઈને સમવસરણમાં બેઠેલ ચક્રવર્તીએ ભગવાનને પ્રશ્ન કર્યો કે “ભગવન્ ! આ દેવો કોણ હતા ? અને તેઓનું આટલું તેજ કેમ હતું ?” તેના ઉત્તર રૂપે તીર્થંકર પરમાત્માએ કહ્યું કે આ દસ દેવો પૂર્વભવમાં દસ ભાઈઓ હતા અને તેઓ પચ્ચીસ લાખ વર્ષ સુધી ત્રિકાલ પરમાત્માની પૂજા કરતા હતા. અને નિરતિચાર દેશશિવરિતનું પાલન કરી અંતે અનશન કરી સત્તર સાગરોપમના આયુષ્યવાળા દેવ થયા છે અને પૂર્વભવમાં જે ત્રિકાલપૂજા કરી તેના પ્રભાવે તેઓને દેવભવમાં આ પ્રકારની અદ્ભુત કાંતિ પ્રાપ્ત થઈ છે. ત્યારપછી ચક્રવર્તીએ પ્રશ્ન કર્યો કે હવે પછી તેઓ ક્યાં જશે ? તેના ઉત્તરરૂપે તીર્થંકર પરમાત્માએ કહ્યું કે અહીંથી ચ્યવીને આ દસે દેવો મહાવિદેહમાં જઈ મોક્ષમાં જશે. આ દૃષ્ટાંતથી એ ફલિત થાય કે દસે ભાઈઓએ પૂર્વભવમાં યથાશક્તિ વિરતિનું પાલન કર્યું માટે કર્મના નિર્મર્થન પ્રતિ પ્રક્ષરિત સિંહ હતા અને ત્રિકાલપૂજાના શુભભાવથી અખિલ કર્મને દલીને તે શીઘ્ર મોક્ષને પામશે. II૩૨–૩૩ll
| SR No. | 022236 |
| Book Title | Yogsar Prakaran |
| Original Sutra Author | N/A |
| Author | Pravin K Mota |
| Publisher | Gitarth Ganga |
| Publication Year | 2012 |
| Total Pages | 266 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 15 MB |