Page Text
________________
૧૩
યોગસાર પ્રકરણ/પ્રસ્તાવના શ્લોકો મૂક્યા છે અને શ્રી પ્રવીણભાઈએ દરેક શ્લોકના ગૂઢાર્થ ખોલી ખોલી સુંદર વિવેચન કર્યું છે. મુનિએ કેવો વચનપ્રયોગ કરવો જોઈએ, ઔચિત્ય, સદાચારની મહત્તા તથા ખાસ તો ભાવશુદ્ધિ માટે લોભકષાયનું સ્વરૂપ અને તેની અનર્થતા બતાવતા શ્લોકો વારંવાર ચિંતન-મનન કરવા લાયક છે. આમ અનેક શ્લોકો મૂકી છેલ્લા બે શ્લોકમાં “યોગસાર” ગ્રંથના ભાવનથી થતું ફલ બતાવી ગ્રંથકારશ્રી ગ્રંથની સમાપ્તિ કરે છે. મારી વાત :
આ ગ્રંથનું અધ્યયન કરવાની અનુજ્ઞા આપી મને સમય આદિની અનુકૂળતા કરી આપનાર પૂ. ગુરુદેવ ચારુનંદિતાશ્રીજી મ. સા.ની હું ખૂબ જ ઋણી છું. યત્કિંચિત્ ઋણમુક્તિ માટે આવા ગુરુના ગુણોનું સંક્ષેપથી અનુવાદન મારા અને વાચકોના આત્મહિત માટે કરું તો યોગ્ય જ ગણાશે.
વીરપ્રભુના પ્રથમ સાધ્વી ચંદનબાલાશ્રીજી મ.સા.ની પાટ પરંપરામાં આજસુધી સેંક્કો જ નહીં હજારો સાધ્વીજી ભગવંતો થઈ ગયા. તેમાં અનેક શાસન પ્રભાવિકા સાધ્વી ભગવંતો પણ થઈ ગયા. પણ થોડા ખેદની વાત એ છે કે પાટ પરંપરામાં પ્રભાવક સાધુ ભગવંતોનો ઇતિહાસ જેટલો ઉપલબ્ધ છે એટલો ઇતિહાસ સાધ્વી ભગવંતો વિષે ઉપલબ્ધ નથી. પ્રભુ શાસન પુરુષપ્રધાન હોવાને કારણે આવું બન્યું હોય તોપણ ખબર નહીં. પણ વર્તમાન સાથ્વી સંસ્થામાં પણ એવા ઘણાં સાધ્વી ભગવંતો છે જે અનેક રીતે શાસનકાર્યમાં વ્યાપૃત્ત છે.
પૂજ્ય ગુરુ મ. સા. પણ શુતરક્ષાના મહાનકાર્યમાં રત છે. છેલ્લા લગભગ પંદર વર્ષથી હું તેઓશ્રીના પરિચયમાં છું. ખૂબ જ ઓછું બોલવું, જરૂરી બોલવું, કામ પૂરતું સમિતિપૂર્વક બોલવું અને શ્રુતના અધ્યયનમાં લાગ્યા રહેવું એ એમના સ્વભાવની ખાસ વિશેષતા રહી છે. “ગીતાર્થ ગંગા”ની સ્થાપનાના શરૂઆતના વર્ષોમાં જે શ્રુતકાર્ય જેમ કે, મહાન ગ્રંથોનું કોડીંગ, વિષયો પ્રમાણે વિભાજન, બીજી પણ અન્ય વિવેચન માટેની માહિતી એકત્રિત કરી નોંધાવી વિગેરેમાં પૂજ્ય ગુરુ મ. સા.નો સિંહફાળો છે. કલાકો સુધી એકાંતમાં બેસી અનેક યોગના ગ્રંથો, દર્શનશાસ્ત્રના ગ્રંથોનું કોડીંગ કરતા જોયાં છે.
| SR No. | 022236 |
| Book Title | Yogsar Prakaran |
| Original Sutra Author | N/A |
| Author | Pravin K Mota |
| Publisher | Gitarth Ganga |
| Publication Year | 2012 |
| Total Pages | 266 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 15 MB |