________________
****
•K
અહીં જીવનઘડતર માટેના સુંદર ઉપાયો રજુ થયા છે. આચાર-વ્યવહાર વગેરે ક્ષેત્રે ખૂબ જ સુંદર દિગ્દર્શન છે, તો ધ્યાન વગેરે અધ્યાત્મક્ષેત્રે પણ પર્યાપ્ત માર્ગદર્શન છે... યુક્તિ-પ્રયુક્તિઓ દ્વારા વિષયોની સચોટ સાબિતી છે, તો ઉદાહરણો દ્વારા વિષયની સુંદર પ્રસ્તુતિ પણ અહીં છે... આગવી છણાવટ, રોચકશૈલીએ પદાર્થવર્ણન વગેરે રૂપ આ ગ્રંથની આગવી વિશેષતાઓ છે.
વધુ તો શું ? એકવાર આ ગ્રંથમાં પ્રવેશી જુઓ, અહોભાવસભર થઈ જવાય એ હદે સજ્ઞાનનું સૌંદર્ય અને સદ્વિચારોનું સૌવિહિત્ય અહીં કેળવાયું છે.
આ ગ્રંથ વિશેની વિશેષ વિગતો પ્રસ્તાવનામાં ખૂબ જ સુંદર રીતે આલેખાઈ છે. એટલે હવે એ વિશેના વધુ વિસ્તારથી સર્યું.
પૂર્વમુદ્રિત આ ગ્રંથનું સૌ પ્રથમ તો ૪-૫ હસ્તપ્રતોના આધારે શુદ્ધીકરણ થયું... ત્યારબાદ આ ગ્રંથની વિવેચનધારામાં વહેવાનો અને એના અદ્ભુત પદાર્થોને માણવાનો સુંદર અવસર મને પ્રાપ્ત થયો.
મારા બંને ગુરુભગવંત, સહવર્તી તમામ મહાત્માઓ અને સંશોધકશ્રીની પરમકૃપાથી જ આ બધુ કાર્ય નિર્વિઘ્ને પાર પહોંચ્યું છે. એ તમામના અવિસ્મરણીય ઉપકારોનું સ્મરણ કરતા હું ધન્યતા અનુભવું છે.
આ સંપાદનકાર્યમાં શ્રીજિનશાસન આરાધના ટ્રસ્ટ, શ્રીમહાવીર જૈન આરાધનાકેન્દ્ર કોબા, શ્રીલાલભાઈ દલપતભાઈ વિદ્યામંદિર, શ્રી આશાપૂરણ પાર્શ્વનાથ જૈન જ્ઞાનભંડાર વગેરે સંસ્થાઓએ હસ્તપ્રત વગેરેની સામગ્રી પૂરી પાડવા દ્વારા સુંદર સહયોગ દાખવ્યો છે. એ તમામ સંસ્થાઓની શ્રુતભક્તિની અંતરથી અનુમોદના.
પ્રાન્ત,
આ સંપાદનકાર્યમાં, મારા અલ્પ ક્ષયોપશમાનુસારે જિનાજ્ઞાવિરુદ્ધ કોઈપણ ક્ષતિ રહી ગઈ હોય, તો તેનું હું અંતઃકરણપૂર્વક મિચ્છામિ દુક્કડમ્ માંગુ છું. વિદ્વાનો મને ક્ષતિનિર્દેશ કરે એ જ અભ્યર્થના સહ...
પ્રેમ-ભુવનભાનુ-જયઘોષ-જિતેન્દ્રગુણરત્ન-રશ્મિરત્નસૂરિ શિષ્યાણુ મુનિ યશરત્ન વિ. પ્ર.અષા. સુ. ૯, વિ.સં. ૨૦૭૧ ગોદાવરી-અમદાવાદ.
