________________
•
૨
****
अवधीरितो हि समाचारो जन्मान्तरेऽपि दुर्लभस्स्यात् ।
જે તારક યોગની અવગણના કરાશે, તે યોગ ભવાન્તરમાં પણ દુર્લભ થઈ જશે. આ એ રસ્તો છે, જ્યાં ભવોભવ સુધી શાસ્ત્રો નહીં મળે. સમકિત નહીં મળે. અને ચારિત્ર તો સ્વપ્નનું પણ સ્વપ્ન થઈ જશે. આવા શાસ્ત્રોના એકાદ વચનની તુલનામાં કોહિનૂર હીરો પણ ધૂળ સમાન છે. શાસ્ત્રને જોતાની સાથે આંખો વિસ્ફારિત થઈ જાય, હૃદય પુલકિત થઈ જાય, વાણી ગદ્ગદ્ બને અને મન એના અભ્યાસ માટે લાલાયિત થઈ જાય એ આપણું સહજ ઔચિત્ય પણ છે અને આપણા સાનુબંધ હિતનો માર્ગ પણ. આપણે સહુ આ પાવન પંથે પ્રસ્થાન કરીએ એવી ભાવના સહ વિરમું છું. પરમ તારક શ્રી જિનાજ્ઞા વિરુદ્ધ લખાયું હોય, તો મિચ્છામિ દુક્કડમ્.
પ્રભુ ! તમારા પગલે પગલે
•
પા પા પગલી ભરવી છે. – પ્રિયમ્
