________________
१८१
Gपहेशप : (भाग-२
अण्णोण्णागम णिच्चं, अब्भुट्टाणाइजोगपरितुट्ठो । जत्तेणं हेटवरि, पमजणाए समुज्जुत्तो ॥६४३॥ जावजीवं एवं, गेलण्णम्मिवि अपरिवडियभावो । आराहगो इमीए, तिगरणसुद्धेण भावेण ॥६४४॥ धम्मरुई णामेणं, खुड्डो चरिमसमिईए संपण्णो । कहवि ण पेहियथंडिल, ण काइयं वोसिरे राई ॥६४५॥ जाया य देहपीडा, अणुकंपा देवयाए उप्पण्णा । तीए अकालपहायं, तहा कहं जह समुजोओ ॥६४६॥ वोसिरणा अंधारं, हंत किमेयंति देवउवओगो । जाणण मिच्छाउक्कड, अहो पमत्तोम्हि संवेगो ॥६४७॥ अण्णोवि य धम्मरुई, खमगो पारणग कडुयतुंबम्मि । गुरुवारण नायालोयणाए भणिओ परिट्ठवसु ॥६४८॥ आवागथंडिल पिपीलियाण मरणमुवलब्भ तद्देसा । करुणाए सिद्धवियडण, भोत्तूणमओ महासत्तो ॥६४९॥ मणगुत्तीए कोई, साहू झाणम्मि णिच्चलमईओ । सक्कपसंसा असदहाण देवागमो तत्थ ॥६५०॥ दिट्ठो उस्सग्गट्ठिओ, विउव्वियं जणणिजणगरूवं तु । करुणं च संपलत्तो, अणेगहा तत्थ सो तेसिं ॥६५१॥ पच्छा भज्जारूवं, अण्णपसत्तं समत्तसिंगारं । भूओ य अहिलसंतं, ऊसुगमच्चंतणेहजुयं ॥६५२॥ तहवि ण मणगुत्तीए, चलणं णियरूवदेववंदणया । थुणण लोगपसंसा, एवंपि ण चित्तभेओ उ ॥६५३॥ वयगुत्तीए साहू, सण्णायगठाण गच्छए दटुं । चोरग्गह सेणावई, विमोइउं भणइ मा साह ॥६५४॥
