________________
સંપાદકીય
- ચરમ તીર્થપતિ શ્રમણ પરમાત્મા મહાવીર દેવનાં પાંચમાં ગણધર સુધર્માસ્વામીએ ભવ્ય જીવોના ઉપકારાર્થે દ્વાદશાંગીની રચના કરી. તેમાં જે બારમું અંગ હતું તેમાં અત્યંત વિશિષ્ટ કોટિનાં ૧૪ પૂર્વો હતાં. પૂર્વોની અંદર ઘણા મહત્વના પદાર્થો હતા. દુષમકાળના પ્રભાવે પૂર્વોનું જ્ઞાન વિચ્છેદ પામ્યું. તે સમયે આપણા પૂન્યોદયે યાકિનીમહાત્તરાસૂનુ પૂજ્યપાદ આચાર્ય ભગવંત શ્રીમદ્ વિજયહરિભદ્રસૂરીશ્વરજી મહારાજા થયા. જેઓ પૂર્વધર નિકટવર્તી કાળમાં થયા હતા. તેને કારણે તેઓ વિશિષ્ટ જ્ઞાની હતા. તેમણે ૧૪૪૪ ગ્રંથોની રચના કરી હતી પણ દુકાળ, વૈદિક ધર્મીઓના તથા મુસલમાનોના આક્રમણ આદિ કારણે ઘણા ગ્રંથો નાશ પામ્યા. ચૌદસો ચુમ્માલીસ ગ્રંથમાંથી આંગળીના વેઢે ગણી શકાય તેટલા ગ્રંથો રહ્યાં છે. તેમાંનો એક ગ્રંથ એટલે વિશંતિ વિંશિકા.
તે મહાપુરુષની રચના એટલે ગાગરમાં સાગર. શાસ્ત્રના સારને ગ્રહણ કરી જુદા જુદા વિષયોનું વર્ણન ફક્ત ૨૦ શ્લોકમાં કરેલ છે.
મૂળ પ્રાકૃતમાં નિર્મિત આ ગ્રંથની સંસ્કૃત છાયા વિદ્વાન પંડિતે કરેલ છે અને અનુવાદ પણ એક મહાત્મા દ્વારા થયેલ છે.
દીક્ષા પ્રવર્તક સંઘસન્માર્ગદર્શક વિદ્વદ્વર્ય પૂજ્યપાદ આચાર્ય ભગવંત શ્રીમદ્ વિજયરામચન્દ્રસૂરીશ્વરજી મહારાજાના તપસ્વી અને પરમ વિદ્વાન શિષ્યરત્ન પંન્યાસ પ્રવર શ્રી કાંતિવિજયજી ગણિવરે સ્વસ્વાધ્યાય અર્થે આનું સંયોજન કરી સ્વહસ્તે લખી રાખેલ.
તે લખાણ – પૂજ્ય આચાર્યદેવ શ્રીમદ્ વિજય હેમભૂષણસૂરીશ્વરજી મહારાજાનાં સંગ્રહમાં સુરક્ષિત હતું.
તપાગચ્છાધિપતિ પૂજ્યપાદ આચાર્ય ભગવંત શ્રીમદ્ વિજયરામચન્દ્રસૂરીશ્વરજી મહારાજાનાં શિષ્યરત્ન આગમ વાચના વિશારદ પૂજ્યપાદ આચાર્ય ભગવંત શ્રીમદ્ વિજયજિતમૃગોંકસૂરીશ્વરજી મહારાજાનાં શિષ્યરત્ન તથા “સૂરીરામ' પટ્ટધર
જ્યોતિર્મહોય પૂજ્યપાદ આચાર્ય ભગવંત શ્રીમદ વિજયમહોદયસૂરીશ્વરજી મહારાજાનાં એક માત્ર પટ્ટધર અને વીરવિભુની ૭૯મી પાટનું એકલે હાથે સફળ સંચાલન કરનારા, ૧૩૦૦થી અધિક શ્રમણ-શ્રમણી ગણનાં પરમ શ્રદ્ધેય સુવિશાલ ગચ્છાધિપતિ પૂજ્યપાદ આચાર્યદેવ શ્રીમદ્ વિજયહેમભૂષણસૂરીશ્વરજી મહારાજા - એક વિશિષ્ટ મહાપુરુષ હતા.
