________________
વિભક્તિવિચાર પ્રકરણ
८०
ધણી છે, તોપણ આ ઉત્સવ અવસરે એ પ્રથમઇંદ્રનો અધિકાર લહાવો લેવારૂપ છે, તે અનાદિની એવી મર્યાદા જાણવી; ઇશાનેંદ્ર સુવર્ણમય રત્નજડિત છડી, દંડ લઇ ઉભો રહે અને ચોસઠ ઇંદ્ર સિવાય બીજા સામાનિક પ્રમુખ દેવોને દાન લેતાં નિવારે, અને યાચકના ભાગ્યાનુસાર ઇશાનેંદ્ર તેના મુખે બોલાવે (૨) ચમરેંદ્ર તથા બલીન્દ્ર પ્રભુની મુઠીમાં વધારે હોય તો પાડી નાંખે, અને ઓછું હોય તો પૂરું કરી આપે, સામાની પ્રાપ્તિને અનુસારે મળે, (૩) ભુવનપતિ દેવતા ભરતક્ષેત્રના મનુષ્યને તેડી આવે (૪) અને વાણવ્યંતર દેવો તેમને પાછા મૂકી આવે (૫) જ્યોતિષી દેવો વિદ્યાધરોને પ્રભુના દાનની ખબર આપે, (૬) તથા પ્રભુના પિતા ચાર મોટી દાનશાળા કરાવે, એકમાં ભરતક્ષેત્રના મનુષ્યને અન્નપાનાદિ ખાદ્ય વસ્તુ આપે, બીજીમાં વસ્ત્ર આપે અને ત્રીજીમાં આભરણ આપે. ચોથીમાં રોકડનાણું આપે.
વિચાર રત્નસાર-દેવચંદ્રકૃતિ, પાના નં. ૫૪૮ પૂ. કવિરાજશ્રી દિપવિજયજી મ. રચિત સોહમકુલ-કલ્પવૃક્ષ ગણધર દેવવંદનમાં દીક્ષા કલ્યાણકના દેવવંદનમાં આ મુજબ વર્ણન છે.
