Page Text
________________
શ્રી નવપદ પ્રકરણ ગ્રંથને ગુજરાતી ભાવાનુવાદ
૨૩૫ સ્વપ્ન કર્યું. શ્રીરામે કહ્યું હે પ્રિયે! ઉત્તમ પુત્રયુગલનો જન્મ થશે. પણ તમે વિમાનમાંથી પડ્યા તે સારું નથી. આથી આ અનિષ્ટફળના નાશ માટે શાંતિકર્મમાં ઉદ્યમ કરવો જોઈએ. સીતાજીએ કહ્યુંઃ જેવી પ્રાણનાથની આજ્ઞા. સીતાજીએ તે જ સમયે ગર્ભ ધારણ કર્યો. શ્રીરામનો સીતાજી ઉપર ગાઢ પ્રેમ જોઈને બીજી રાણીઓનું અંતઃકરણ અતિશય ઈર્ષ્યાથી બળવા માંડ્યું. આથી તે રાણીઓ સીતાજીનાં છિદ્રો જોવામાં તત્પર બની. એક દિવસ બેઠેલા સીતાજીને બીજી રાણીઓએ કેઈકે વાતમાં પૂછ્યું: રાવણનું રૂપ કેવું હતું? સીતાજી બોલ્યાઃ મેં ક્યારેય તેનું રૂપ જોયું નથી. કેવલ એ મારી પાસે આવ્યા ત્યારે નીચા મુખવાળી મેં તેના બે પગો જોયા છે. બીજી રાણીઓએ કહ્યુંઃ જે એમ છે તે તેનાં બે ચરણ આલેખીને અમને બતાવ. તેના બે ચરણના અનુસારે જ તેનું શેષરૂપ અમે જાણી લઈશું. તેથી તેમના ચિત્તની દુષ્ટતાને નહિ જાણતા સીતાજીએ ભેળપણથી જ સુંદર રંગે લઈને રાવણના બે ચરણ આલેખ્યાં. પછી સીતાજી ત્યાંથી જતા રહ્યા. તે જ ક્ષણે કઈ કામ માટે આવેલા શ્રીરામને બીજી રાણીઓએ સીતાજીએ આલેખેલાં તે બે ચરણને બતાવીને કહ્યુંઃ હે દેવ ! આપને પ્રિય એવી સીતાજીને આજે પણ રાવણ ઉપર રાગ છે, જેથી આ પ્રમાણે તેના બે ચરણને આલેખીને તેની આરાધના કરે છે. શ્રીરામે ગંભીરતાથી તેમને કઈ ઉત્તર ન આપ્યું, અને સીતાજીને પણ તે વાત ન કરી.
એકવાર વસંતઋતુને સમય આવતાં કીડા નિમિત્તે મહેંદ્રોદય ઉદ્યાનમાં આવેલા શ્રીરામે સીતાજીને કહ્યુંઃ હે પ્રિયે! તમે કંઈક નિરુત્સાહ કેમ જણાઓ છે? સીતાજીએ કહ્યુંઃ ગર્ભના પ્રભાવથી થયેલા દેહલાના કારણે. શ્રીરામે પૂછયું કે દેહલે થયું છે? સીતાજી બોલ્યાઃ બધા મંદિરમાં જિનબિંબોની પૂજા કરવાનો દેહલો થયો છે. તેથી શ્રીરામે તે જ વખતે પ્રતિહારીને આજ્ઞા કરી કે મારી આજ્ઞાથી સર્વ જિનમંદિરમાં વિશેષ રીતે પૂજા કરાવ. પ્રતિહારીએ “જેવી આપની આજ્ઞા” એમ તેમના વચનને સ્વીકારીને તેમની આજ્ઞાનું પાલન કરાવ્યું. સીતાજી અને લક્ષ્મણથી યુક્ત શ્રીરામ મહેંદ્રોદય ઉદ્યાનમાં રહેલા નગરના લોકેની વિવિધ કીડાઓ જોઈને વિશેષ પ્રકારની પૂજાનાં દર્શન માટે જિનમંદિરે આવ્યા. આ વખતે સીતાજીએ કહ્યુંઃ મારું જમણું નેત્ર ફરકે છે. શ્રી રામે કહ્યુંઃ હે પ્રિયે! આ સારું નથી. સતાજી બોલ્યાઃ હે સ્વામી ! પ્રતિકૂલ વર્તનારાં કર્મો શું હજી પણ ફરી પ્રિયવિરહનું દુઃખ ઉત્પન્ન કરશે? મને રાક્ષસદ્વીપમાં મોકલીને જે દુઃખ આપ્યું એનાથી હજી તેમને સંતોષ થયો નથી ! શ્રીરામે કહ્યું હે પ્રિયે! જેને જ્યારે શુભ કે અશુભ જે પ્રાપ્ત થવાનું હોય તેને ત્યારે તે અવશ્ય પ્રાપ્ત થાય છે. આમાં કોઈ શંકા નથી. માટે હે દેવી! તમે આ વિચારીને ખેદ ન કરે, કિંતુ હમણાં દેવપૂજા વગેરે ધર્મમાં વિશેષ ઉદ્યમ કરે. હે દેવી! તમે પોતાના ઘરે જાઓ અને ગરીબ લોકોને સતત દાન આપો, જેથી તમારું આ અશુભ નિમિત્તે જલદી નાશ પામે. શ્રીરામે
| SR No. | 022030 |
| Book Title | Shravakna Bbar Vrato Yane Navpad Prakaran |
| Original Sutra Author | N/A |
| Author | Rajshekharsuri |
| Publisher | Vijaydansuri Jain Gyanmandir ane Paushadhshala Trust |
| Publication Year | 1991 |
| Total Pages | 498 |
| Language | Gujarati |
| Classification | Book_Gujarati |
| File Size | 15 MB |