________________
ધ્યાનશતક
આ શતકના રચયિતા પૂર્વઘર મહર્ષિ જિનભદ્રગણિ ક્ષમાશ્રમણ મહારાજા છે. પૂર્વઘર મહર્ષિની રચનાની ભવ્યતામાં કહેવાનું શું હોય? એના ગંભીરભાવોને પ્રગટ કરવા, ૧૪૪૪ ગ્રંથના રચયિતા પૂ. હરિભદ્રસૂરિ મહારાજાએ એના ઉપર સંસ્કૃત ટીકા રચી છે. એના ગૂઢભાવોને સ્પષ્ટ કરવા ન્યાયવિશારદ પૂ. પરમગુરુદેવ આ. ભ.શ્રીમદ્ વિજયભુવનભાનુસૂરીશ્વરજી મહારાજાએ ગુજરાતીમાં સુંદર વિવેચન કર્યું છે. એમાંથી માત્ર મૂળગાથાઓ અર્થ સાથે અહીં પ્રકાશિત કરી છે. બે શુભ અને બે અશુભધ્યાનની માર્મિકતા સમજવા માટે અને વારંવાર એના સ્વાધ્યાયદ્વારા હૃદયને ભાવિત કરવા માટે આ શતક ખૂબ ખૂબ ઉપયોગી છે.
આ મહાનગ્રંથના પ્રકાશનમાં પૂ. સાધ્વીજી શ્રીદિવ્યયશા શ્રીજીમ.ની શુભનિશ્રામાં થયેલી જ્ઞાનખાતાની ઊપજમાંથી રૂપિયા ૧૦,૦૦૦ વિવેક ડુપ્લેક્ષની આરાધક બહેનો તરફથી પ્રાપ્ત થયા છે. એમના આ મહાન સુકૃતની ભૂરિ ભૂરિ અનુમોદના.
લિ.-પૂ.પં.શ્રીપદ્મવિજયજી ગણિવર જૈન ગ્રંથમાળા ટ્રસ્ટનું ટ્રસ્ટીમંડળ
