________________
Shri Mahar Jain Aradhana Kendra
www.kobaim.org
Acharya Shri Kalashsagarsur Gyanmandir
भावाए, नामठवणाओ पुव्वं भणियाओ, से किं तं दव्वाए?, २ दुविहे पं० २०-आगमओ य नोआगमओ य, से किं तं आगमओ दव्वाए?, २ जस्सणं आयत्तिपयं सिक्खियं ठियं जाव कम्हा?, अणुवओगो दवमितिकटु, नेगमस्स णं जावइया अणुवउत्ता आगमओ तावइया ते दव्वाया, जाव सेतं आगमओ दव्वाए, से किं तं नोआगमओ दव्वाए?, २ तिविहे पं० तं०-जायसरीरदव्वाए भविअसरीरदव्वाए जाणयसरीरभविअसरीरवइरित्तेदव्वाए,से किं तं जाणयसरीरदव्वाए?,२ आयपयत्थाहिगारजाणयस्सर्जसरीरयं ववगयचुअचाविअचत्तदेहं जहा दव्वज्झयणं जाव से तं जाणयसरीरदव्वाए, से किं तं भविअसरीरदव्वाए?, २ जे जीवे जोणिजम्मणणिक्खंते जहा दव्वज्झयणे जाव सेतं भविअसरीरदव्वाए,से कितं जाणयसरीरभविअसरीरवइरित्ते दव्वाए?,२ तिविहे पं० २०-लोइए कुप्यावयणिए लोगुत्तरिए, से किं तं लोइए?, २ ततिविहे पं० २०-सचित्ते अचित्ते मीसए य, से किं तं सचित्ते?, २ तिविहे पं० तं०-दुपयाणं चउप्पयाणं अपयाणं, दुपयाणं दासाणं दासीणं चप्पयाणं आसाणं हत्थीणं अपयाणं अंबाणं अंबाडगाणं आए,सेतं सचित्ते, से किं तं अचित्ते?, २ सुवण्णश्ययमणिमोतिअसंखसिलपवालरत्तयणाणं (संतसारसावएजस्स) आए, से तं अचित्ते, से किं तं मीसए?, २ दासाणं दासीणं आसाणं हत्थीणं समाभरिआउजालंकियाणं आए, से तं मीसए, से तं लोइए, से किं तं कुप्यावयणिए?, २ तिविहे पं० तं०-सचित्ते अचित्ते मीसए य, तिण्णिवि जहा लोइए, जाव से तं मीसए, से तं कुप्यावयणिए, से किं तं लोगुत्तरिए?, २ तिविहे पं० २०-सचित्ते अचित्ते भीसए य, से किं तं सचित्ते?, २ सीसाणं ॥श्री अनुयोगद्वारसूत्र॥]
पू. सागरजी म. संशोधित
|१०४
For Private And Personal
