________________
Shri Mahavir Jain Arachana Kendra
www.kobatirth.org
Acharya Shri Kailashsagarsur Gyanmandir
उकोसयं परित्तासंखेजयंन पावइ, उक्कोसयं परित्तासंखेजयं केवइयं होइ?,जहण्णयपरित्तासंखेजमेत्ताणंरासीणं अण्णमण्णभासो रूवूणो उकोसं परित्तासंखेजयं होइ, अहवा जहत्रयं जुत्तासंखेजयं रूवूणं उकोसयं परित्तासंखेजयं होइ जहत्रयं जुत्तासंखेजयं केवइअंहोइ?, जहण्णयपरित्तासंखेजयमेत्ताणं रासीणं अण्णमण्णब्भासो पडिपुण्णो जहन्नयं जुत्तासंखेजयं होइ, अहवा उक्कोसए परित्तासंखेजए रूवं पक्खित्तं जहण्णयं जुत्तासंखेज्जयं होइ आवलिआवि एत्तिया चेव, तेण परं अजहण्णमणुक्कोसयाई ठाणाई जाव उक्कोसयं जुत्तासंखिजयं न पावइ उक्कोसयं जुत्तासंखेजयं केवइयं होइ?, जहण्णएणं जुत्तासंखेज्जएणं आवलिया गुणिया अण्णमण्णब्भासो रूवूणो उक्कोसयं जुत्तासंखेजयं होइ, अहवा जहन्नयं असंखेज्जासंखेजयं रूवूणं उकोसयं जुत्तासंखेज्जयं होइ, जहणणयं असंखेज्जासंखेजयं केवइयं होइ?, जहन्नएणं जुत्तासंखेजएणं आवलिआ गुणिआ अण्णमण्णब्भासो पडिपुण्णो जहण्णयं असंखेज्जासंखेजयं होइ, अहवा उक्कोसए जुत्तासंखेजए रूवं पक्खित्तं जहण्णयं असंखेजासंखेजयं होइ, तेण परं अजहण्णमणुक्कोसयाइं ठाणाई जाव उक्कोसयं असंखेज्जासंखेजयं ण पावइ, उक्कोसयं असंखेज्जासंखेजयं केवइयं होइ?, जहण्णय असंखेजासंखेजयमेत्ताणं रासीणं अण्णमण्णब्भासो रूवूणो उक्कोसयं असंखेजासंखेजयं होइ, अहवा जहण्णयं परित्ताणतयं रूवूणं उक्कोसयं असंखेज्जासंखेजयं होइ, जहण्णयं परित्ताणतयं केवइयं होइ?, जहण्णयअसंखेजासंखेजयमेत्ताणं रासीणं अण्णमण्णब्भासो पडिपुण्मो जहण्णयं परित्ताणतयं होइ, अहवा उच्छोसए असंखेज्जासंखेज्जए रूवं पक्खित्तं जहण्णयं ॥ श्री अनुयोगद्वारसूत्र]
पू. सागरजी म. संशोधित
For Private And Personal
