________________
असंतयं असंतएहिं उवमिज्जइ, जहा खरविसाणं तहा ससविसाणं, से तं ओवम्मसंखा, से किं तं परिमाणसंखा ?, २ दुविहा पं० तं०- कालिअसुयपरिमाणसंखा दिट्टिवायसुअपरिमाणसंखा य, से किं तं कालिअसुअपरिमाणसंखा?, अणेगविहा पं० तं०पज्जवसंखा अक्खर० संघाय० पय० पाय० गाहा० सिलोग० वेढ० निज्जुत्ति० अणुओगदार० उद्देसग० अज्झयण सुयखंध० अंगसंखा, से तं कालिअसुअपरिमाणसंखा, से किं तं दिट्ठिवायसुअपरिमाणसंखा ?, २ अणेगविहा पं० तं०-पज्जवसंखा जाव अणुओगदारसंखा पाहुड० पाहुडपाहुड० पाहुडिया० पाहुडपाहुडिया० वत्थुसंखा, से तं दिट्ठिवायसु अपरिमाणसंखा, से तं परिमाणसंखा, से किं तं जाणणासंखा?, २ जो जं जाणइ तं०-सहं सद्दिओ गणियं गणिओ निमित्तं नेमित्तिओ कालं कालणाणी वेज्जयं वेज्जो, से तं जाणणासंखा, से किं तं गणणासंखा ?, २ एक्को गणणं न उवेइ, दुष्पभिई संखा, तं० - संखेजए असंखेज्जए अनंतए, से किं तं संखेज्जए ?, २ तिविहे पं० तं० - जहण्णए उक्कोसए अजहण्णमणुकोसए, से किं तं असंखेजए ?, २ तिविहे पं० तं० - परित्तासंखेजए जुत्तासंखेजए असंखेजासंखेज्जए, से किं तं परित्तासंखेजए ?, २ तिविहे पं० तं० - जहण्णए उक्कोसए अजहण्णमणुक्कोसए से किं तं जुत्तासंखेज्जए?, २ तिविहे पं० तं० - जहण्णए उक्कोसए अजहण्णमणुकोसए से किं तं असंखेजासंखेजए ?, २ तिविहे पं० तं० - जहण्णए उक्कोसए अजजहण्णमणुक्कोसए, से किं तं अनंतए ?, २ तिविहे पं० नं०| परित्ताणंतर जुत्ताणंतर अनंतानंतर, से किं तं परित्ताणंतए, २ तिविहे पं० तं० - जहण्णए उक्कोसए अजहण्णमणुक्कोसए, ॥ श्री अनुयोगद्वारसूत्रं ॥ पू. सागरजी म. संशोधित
९५
Shri Mahavir Jain Aradhana Kendra
www.kobatirth.org
For Private And Personal
Acharya Shri Kailashsagarsuri Gyanmandir
