________________
Shri Mahavir Jain Aradhana Kendra
www.kobetirth.org
Acharya Shri Kailassagarsuri Gyanmandir
किं भासाएवि भासियाए कुसीलतं भवति?, गोयमा! भवइ, से भयवं! जइ एवं ताव धम्मदेसणं न कायव्वं?, गोयमा! सावजऽणवजाणं वयणाणं जो न जाणइ विसेसी वुत्तुंपि तस्स न खमं किमंग पुणदेसणं काउं?॥१२०॥ ३७) तहा सरीरकुसीले दुविहे गेए चेट्ठाकुसीले विभूसाकुसीले य,तत्य जे भिक्खू एयं किमिकुलनिलयं सउणसाणाइभत्तं सडणपडणविद्धंसणधम्म असुइं असासयं असारं सरीरगं आहारादीहिं णिच्चं चेटेजा णो णं इणमो भवसयसुलद्धनाणदंसणाइसमत्रिएणं सरीरेणं अच्चंतघोरवीरुग्गकट्टघोरतवसंजममणुद्वेज्जा सेणंचेट्ठाकुसीले, तहा जेणं विभूसाकुसीले सेऽवि अणेगहा, तंजहा तेलाभंगणविमद्दणसंवाहणसिणाणुव्वट्टण परिहसणतंबोलधूवणवासण दसणुग्घसणसमालहणपुष्फोमालणकेससमारणसोवाहणदुवियऽढगइभणिरहसिरउवविदछुट्टियसनिवत्रक्खियविभूसावत्ति सविगारणीयंसणुत्तरीयपाउरणदंडगगहणमाई सरीरविभूसाकुसीले णेए, एते य| पवयण उड्डाहपरे दुरंतपंतलक्खणे अदट्ठव्वे महापावकम्मकारी विभूसाकुसीले भवंति, गए दसणकुसीले३८ तहा चारित्तकुसीले अणेगहा मूलगुणउत्तरगुणेसु, तत्थ मूलगुणा पंच महव्व्याणि राइभोयणच्छट्ठाणि, तेसुं जे पमत्ते भवेजा, तत्थ पाणाइवायं पुढवीदगागणिमारुयवणस्सइबितिचापंचिंदियाईणं संघट्टणपरियावणकिलामणोदवणे, मुसावायं सुमंबायरंच, तत्थ सुहुमे ‘पयलाउल्ला मरुए' एवमादी बादरो कनालीगादि, अदित्रादाणं सुहुदं बादरं च, तत्थ सुहुमं तणडगलच्छारमल्लगादीणं गहणे, बायरं हिरण्णसुवण्णादीण, मेहुणं दिव्वोरालियं मणोवयकायकरणकारावणाणुमइभेदेण अट्ठारसहा, तहा करकम्मादी ॥ श्री महानिशीथसूत्रपा
पू. सागरजी म. संशोधित
For Private And Personal Use Only
