________________
Shri Mahavir Jain Aradhana Kendra
www.kobatirth.org
| दुड्डिणिविलिविले रुहिर चिक्खल्ले दुदंसणिज्जबी भच्छतिमिसंधयारए गंतुव्वियणिज्जगब्भपवेसजभ्मजरामरणाई अणेगसारीरमणीसमुत्थसुघोरदारुणदुक्खाणमेव भायणं भवति, ण उण संजमजयणाए विणा जम्मजरामरणाइएहिं घोरपयंड महारुद्ददारुणदुक्खाणं णिटुवणमेगंतियमच्यंतियं भवेज्जा, एतेणं संजमजयणावियले सुमहंतेऽवी कायकेसे पकए गोयमा ! निरत्थगे भवेज्जा, से भयवं ! किं संजमजयणंसमु ( मणु )प्पेहमाणे समणुपालेमाणे समणुट्टेमाणे अइरेणं जम्मजरामरणादीणं विमुच्चेज्जा ?, गोयमा ! अत्थेगे जे | णं ण अइरेणं विमुच्चेजा अत्थेगे जे गं अइरेणं विमुंचेज्जा, से भयवं ! केणं अद्वेणं एवं वुच्चइ जहा णं अत्थेगे जे णं णो अइरेणं विमुच्चेज्जा अत्थेगे जे णं अइरेणं विमुच्चेज्जा ?, गोयमा! अत्थेगे जे णं किंचि उ ईसिमणगं अत्थाणगं अणवलक्खेमाणे सरागससल्ले संजमजयणं समणुट्टे जे णं एवंविहे से णं चिरेणं जम्मजरामरणाइअणेगसंसारियदुक्खाणं विमुच्चेज्जा, अत्थेगे जे णं णिम्मूलुद्धियसव्वसले निरारंभपरिग्गहे निम्ममे निरहंकारे ववगयरागदो समोहमिच्छत्त कसायमलकलंके सव्वभावभावंतरेहिं णं सुविसुद्धासए अदीणमाणसे एगंतेणं निज्जरापेही परमसद्धा संवेगवेरग्गगए विमुक्का सेस भयगारवविचित्ताणेगपमायालंबणे जांव णं निज्जियघोरपरीसहोवसग्गे ववगयरोद्दज्झाणे असेसक मक्खयद्वाए जहुत्तसंजमजयणं समणुपेहिज्जा अणुपालेज्जा समणुपालेज्जा | जाव णं समणुट्टेज्जा जे णं एवंविहे से णं अइरेणं जम्मजरामरणाइ अणेगसंसारियसुदुव्विमोक्खदुक्खजालस्स णं विमुच्चेज्जा, एतेणं अद्वेणं एवं वच्चइजहा णं गोयमा ! अत्थेगे जे णं णो अइरेणं विमुच्चेज्जा अत्थेगे जे य णं अइरेणेव विमुच्चेजा, से भयवं! | ॥ श्री महानिशीथसूत्रं ॥ पू. सागरजी म. संशोधित
२२३
Acharya Shri Kailassagarsuri Gyanmandir
For Private And Personal Use Only
