________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
य जह सिद्धते, एरिसो दंसिओ विही ॥१॥ तो तस्स पमाणेणं, गुरुयणं रंजिउ दढं । तवं चट्टगुणं काउं, पडणाणसणं विसं ॥२॥ करेहामि जहाऽहंपि, देवयाए निवारिओ । दीहाऊ णत्थि ते मच्चू, भोगे भुंज जहिच्छिए ॥३ ॥ लिंगं गुरुस्स अप्पे, अन्नं |देसंतरं वय। भोगहलं वेइया पच्छा, घोरवीरतवं चर ॥४॥ अहवा हा हा अहं मूढो, आयसल्लेण सल्लिओ। समणाणं णेरिसं जुत्तं, सयमवी मणसि धारि ॥५॥ पच्छा 3 मे पच्छित्तं, आलोएत्ता लहुं घरे | अहवणं णं आलोउं, मायावी भन्निमो पुणो ॥ ६ ॥ ता | दसवासे आयामं, मासक्खमणस्स पारणे । वीसायंबिलमादीहिं, दो दो मासाण पारणा ॥ ७ ॥ पणुवीसं वासे वत्थ, चंदायणतवेण यो छट्टट्टमदसमाई, अट्ठ वासे यणूणगे ॥८ ॥ महघोरे रिसपच्छित्तं, सयमेवेत्थाणुचरं । गुरुपामूलेऽवि एत्थेयं, पायच्छित्तं मे ण अग्गलं ॥९॥ अहवा तित्थ्यरेणेस, किमहं वाइओ विही ? । जेणेयमहीयमाणोऽहं, पायच्छित्तस्त्र मेलिओ ? ॥६०॥ अहवा सोच्चिय जाणेज्ज सव्वन्नू, पच्छित्तं अणुचराम्यहं । जमित्थं दुट्ठचिंतिययं, तस्स मिच्छामि दुक्कडं ॥१॥ एवं तं कट्टं घोरं, पायच्छित्तं सयंमती । काऊणंपि ससल्लो सो, वाणमंतरियं गओ ॥ २ ॥ हिट्टिमोवरिमगेवेयविमाणे तेण गोयमा ! | व्यंतो आलोइत्ता, जइ तं पच्छित्तं कुव्विया ॥ ३ ॥ वाणमंतरदेवत्ता, चइऊणं गोयमा ! ऽऽसडो। रासहत्ताएँ तिरिच्छेसुं, नरिंदघरमागओ ॥४॥ निच्चं तत्थ वडवाणं, संघट्टणदोसा तहिं । वसणे वाही समुप्पण्णा, किमी एत्थ संमुच्छिए ॥५ ॥ तओ किमिएहिं खजंतो, वसणदेसंमि गोयमा ! | मुक्काहारो खिई लेढे, वियणतो ताव साहणो ॥६॥ अदूरेण पवोलेंते, दट्टूणं जाई सरेत्तु यो निंदिउ गरहिउं आया, अणसणं पडिवज्जिया ॥७॥ ॥ श्री महानिशीथसूत्रं ॥
१३८
पू. सागरजी म. संशोधित
For Private And Personal Use Only
