________________
Shri Mahavir Jain Aradhana Kendra
www.kobatirth.org
| विन्नेए तंजहा गुरू ताव सव्वजगजीवपाणभूयसत्ताणमाया भवइ, किं पुण गच्छस्स ?, से णं सीसगणाणं एगंतेणं हियं मियं पत्थं इहपरलोगसुहावहं आगमाणुसारेणं हिओवएसं पयाइ, से णं देविंदनरिंदरिद्धीलंभाणंपि पवरुत्तमे गुरूवरसप्पयाणलंभे तं चा(सत्ता)णुकंपाए परमदुक्खिए जम्मजरामरणादीहिं णं इमे भव्वसत्ता कहं णु णाम सिवसुहं पावंतित्तिका ऊणंगुरूवएसं पयाइ, णो णं वसणाहिभूए जहा णं गृहग्घत्थे उम्मत्ते, अथिएइ वा जहा णं मम इमेणं हिओवएसपयाणेणं अमुगट्ठलाभं भवेज्जा, | णो णं गोयमा ! गुरू सीसाणं निस्साए संसारमुत्तरेज्जा, णो णं परक्कएहिं सव्वसुहासुहेहिं कस्सई संबद्धं अस्थि । ७ । ता गोयम् ! एत्थ एवं ठियंभि जड़ दढचरित्तगीयत्थो। गुरुगणकलिए य गुरुणा भणेज्ज असई इमं वयणं ॥ ९ ॥ मिण गोणसंगुलीए गणेहि वा दंतचक्कलाई से। तं तहमेव करेज्जा कज्जं तु तमेव जाणंति ॥१०॥ आगमविऊ कयाई सेयं कार्यं भणिज आयरिया । तं तह सद्दहियव्वं भवियव्वं कारणेण तहिं ॥ १ ॥ जोगेण्हइ गुरुवयणं भन्नंतं भावओ पसन्नमणो । ओसह भिवपिज्जंतं तं तस्स सुहावहं होइ ॥ २ ॥ पुन्नेहिं चोइया पुरक्खए हिं सिरिभायणं भवियसत्ता । गुरुमागमेसिभद्दा देवयमिवपज्जुवासंति ॥ ३ ॥ | बहुसोक्खसयसहस्सान दायगा मोयगा दुहसयाणं । आयरिया फुडमेयं केसि पएसीय ते हेऊ ॥४॥ नरयगइगमणपरिहत्थए कए | तह पएसिणा रना। अमरविमाणं पत्तं तं आयरियप्पभावेणं ॥५॥ धम्ममइएहिं अइसुमहरेहिं कारणगुणोवणीएहिं । पल्हायंतोहिययं सीसं चोइज्ज् आयरिओ ॥६॥ एत्थं चायरिआणं पणपन्नं होति कोडिलक्खाओ। कोडी सहस्सेकोडी सए य तह एत्तिए चेव ॥७॥ ॥ श्री महानिशीथसूत्रं ॥ पू. सागरजी म. संशोधित
९७
Acharya Shri Kailassagarsuri Gyanmandir
For Private And Personal Use Only
