________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समलंकरेइ त्ता जाणाई वरभंडमंडियाई करेइ त्ता जेणेव वाहणसाला तेणेव उवागच्छइ त्ता वाहणसालं अणुपविसति त्ता वाहणाई पच्चुविक्खति त्ता वाहणाई संपमज्जइ त्ता वाहणाई अफालइ त्ता वाहणाई णीणेति त्ता दूसे पविणेति त्ता वाहणाई अलंकारेति त्ता वाहणाई वराभरणमंडियाई करेति त्ता जाणगं जोएति त्ता वट्टिमोगाहेति त्ता पओगलट्ठि पओगधरए य समं आरोहइ त्ता जेणेव सेणिए राया तेणेव उवागच्छइ त्ता करयल जाव एवं वदासी जुत्ते ते सामी! धम्मिए जाणपवरे, आइट्ठा भदंत! वगुगाही॥४१॥ तए णं सेणिए राया भंभासारे जाणसालियस्स अंतिए एयमढे सोच्चा निसम्म हट्ठतु जाव मज्जणघरं अणुपविसइ जाव कप्परुक्खए चेव अलंकियविभूसिए नरिंदै जाव मजणघराओ पडिनिक्खमति त्ता जेणेव चेलणा देवी तेणेव उवागच्छइ त्ता चिल्लणं देवी एवं वदासी एवं खलु देवाणुप्पिए! समणे भगवं महावीरे आदिगरे तित्थगरे जाव पुव्वाणुपुद्धि चरमाणे जाव संजमेणं तवसा अपाणं भावेमाणे विहरति, तं महाफलं खलु देवाणुप्पिए! तहारूवाणं अरहंताणं जाव तं गच्छामो देवाणुप्पिए! सभणं भगवं महावीरं वंदामो नमंसामो सकारेमो संमाणेमो कल्लाणं मंगल देवयं चेइयं पजुवासेमो एतं ण्हं इहभवे य परभवे य हियाए सुहाए खमाए निस्सेसाए आणुगामियत्ताए भविस्सति।२। तते णं सा चिल्लणा देवी सेणियस्स रण्णो अंतिए एयमढे सोच्चा निसम्म | हट्टतुट्ठ जाव पडिसुणेति त्ता जेणेव मजणघरे तेणेव उवागच्छइ त्ता बहाया कयबलिकममा कयकोउयमंगलपायच्छित्ता, किं ते?,
वरपायपत्तनेउरमणिमेहलाहाररइय उव्विहियकडगक्खडुएगावलिकंठमुरजतिसरयतवरवलयहेमसुत्तयकुंडलुजोवियाणणारयणभूसियंगी In श्रीदशाश्रुतस्कंधसूत्र
| २८
पू. सागरजी म. संशोधित
For Private And Personal Use Only
