________________
Shri Mahavir Jain Aradhana Kendra
www.kobatirth.org
Acharya Shri Kallassagarsuri Gyanmandir
अनया कयाई वेहल्लंकुमारं सदावेति त्ता सेयणगं गंधहत्थिं अट्ठारसवंकं च हारं जायति, तते णं से वेहल्ले कुमारे कूणियं रायं एवं क्यासी|| एवं खलु सामी ! सेणिएणं रण्णा जीवंतेणं चेव सेयणए गंधहत्थी अट्ठारसवंके य हारे दिने, तं जइ णं साभी ! तुब्भे मभं रजस्स य जणवयस्स य अद्धं भागं दलयह तो णं अहं तुब् सेयणयं गंधहत्थिं अट्ठारसवंकं च हारं दलयामि, तते णं से कूणिए राया वेहल्लस्स कुमारस्स एयमटुं नो आढाति नो परिजाणाई, अभिक्खणं २ सेयणगं गंधहत्थिं अट्ठारसवंकं च हारं जायति, तए णं तस्स वेहलस्स कुमारस्स कूणिएणं रन्ना अभिक्खणं २ सेयणगं गंधहत्थिं अट्ठारसवंकं च हारं जायमाणस्स एवं संकप्पे सुभप्पजित्था अक्खिविउका मेणं गिहिउकामे णं उद्दालेउकामे णं ममं कूणिए राया सेयणगं गंधहत्थिं अट्ठारसवंकं च हारं तं जावताव मभं कूणिए राया सेयणगं| गंधहत्थिं अट्ठारसर्वकं च हार न उद्दालेइ ताव मे सेयणगं गंधहत्थिं अट्ठारसवंकं च हार गहाय अंतेउरपरियालसंपरिवुडस्स सभंडभत्तोवकरणमाताए चंपातो नयरीतो पडिनिक्खमित्ता वेसालीए नयरीए अजगं चेडयं रायं उवसंपज्जित्ताणं विहरित्तए, एवं संघेहेति त्ता कूणियस्स रनो अंतराणि जाव पडिजागरमाणे २ विहरति, तते णं से वेहल्ले कुमारे अन्नदा कदाई कूणियस्स रनो अंतरं जाणतित्ता सेयणगं गंधहत्थिं अट्ठारसवंकं च हारं गहाय अंतेउरपरियालसंपरिवुडे सभंडभत्तोवकरणमायाए चंपाओ नयरीतो पडिनिक्खमति त्ता जेणेव वेसाला नगरी तेणेव उवागच्छति वेशालाए नगरीए अजगं चेडयं रायं उवसंपजित्ताणं विहरति, तते णं से कूणिए राया इभीसे कहाए लद्धढे समाणे एवं खलु वेहल्ले कुमारे ममं असंविदितेणं सेयणगं गंधहत्थिं अट्ठारसवंकं च हारं गहाय अंते उरपरियालसंपरिवुडे ॥ ॥ श्रीनिरयावलिका सूत्र॥
[पू. सागरजी म. संशोधित
For Private And Personal Use Only
