________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
समविसमणिक्खुडाणि य ओअवेहि त्ता अगाई वराई रयणाई पडिच्छाहि त्ता ममेअमाणत्तिअं पच्चप्पिणाहि, तते णं से सेणावई,|| बलस्स णेआ भरहे वासंमि विस्सुअजसे महाबलपरक्कमे महथ्या ओअंसी तेअलक्खणजुत्ते मिलक्खुभासाविसारए चित्तचारूभासी भरहे वासंमि णिक्खुडाणं निण्णाण यदुग्गमाण यदुप्पवेसाण य विआणए अत्थसत्थकुसले रयणं सेणावई सुसेणे रहेणंरण्णा एवं वुत्ते समाणे हद्वतुद्वचित्तमाणदिए जावकरयलपरिग्गहिअंदसणहं सिरसावत्तं मत्था अंजलिं कट्ट एवं सामी! तहत्ति आणाए विणएणं क्यणं पडिसुणेइत्ता भरहस्सरण्णो अंतिआओ पडिणिक्खमइत्ता जेणेव सए आवासे तेणेव उवागच्छइत्ता कोडुविअपुरिसे सहावेइ त्ता एवं व्यासी खियामेव भो देवाणुप्पिआ! आभिसेक्कं हत्थिरयणं पडिप्पेह हयगयरहपवर जाव चाउरंगिणिं सेण्णसण्णाहेहत्तिकट्ट जेणेव मज्जणधरे तेणेव उवागच्छइ त्ता मज्जणधरं अशुपविसइ त्ता बहाए क्यबलिकम्मे क्यकोउअमंगलपायच्छित्ते सन्नद्धबद्धवम्मिअकवए उम्पीलिअसरासणपट्टिए पिणद्धगेविजे बद्धविमलवरचिंधपट्टे गहिआउहप्पहरणे अणेगगणनायगदंडनाया जाव सद्धिं संपरिवुडे सकोरंटमल्लदामेणं छत्तेणं धरिजमाणेणं मंगलजयसद्दक्यालोए मजणघाओ पडिणिक्खमइत्ता जेणेव बाहिरिआ उवट्ठाणसाला जेणेव आभिसेक्के हस्थियणे. तेणेव उवागच्छइ त्ता आभिसेकं हत्थिरयणं दुरुढे, तए णं से सुसेणे सेणावई हस्थिखंधवरगए सकोरंटमल्लदामेणं छत्तेणं धरिजमाणेणं हयगयरहपवरजोहकलिआए एवं चाउरंगिणीए सेणाए सद्धिं संपरिवुडे महयाभडच्डगरपहगरवंदपरिक्खित्वे महयाउक्किट्ठसीहणायबोलकलकलसद्देणं समुद्दरवभूयंपिव रेमाणे २ सव्विद्धीए सव्वजुईए सव्वबलेणं जाव ॥श्री जंबूद्वीप प्रज्ञप्ति सूत्र।
| पू. सागरजी म. संशोधित
For Private And Personal Use Only
