________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
जाव अट्ठाहिअंमहामहिम रेंति त्ता एअमाणत्तिअंपच्चप्पिणंति, तए णंसे दिव्ये चक्करयणे वरदाभतित्थकुमारस्स देवस्स अट्टाहिआए|| महामहिमाए निव्वत्ताए समाणीए आउहघरमालाओ पडिणिक्खमइ त्ता अंतलिक्खपडिवण्णे जाव पूरते चेव अंबरतलं उत्तरपच्चत्थिम दिसिं पभासतित्थाभिमुहं पयाते यावि होत्था, तए णं से भरहे राया तं दिव्वं चक्करयणं जाव उत्तपच्चत्थिमं दिसिं तहेव जाव पच्चत्थिमदिसाभिमुहं पभासतित्थेणं लवणसमुदं ओगाहेइ त्ता जाव से रहवस्स कुप्परा उल्ला जाव पीइदाणं से णवर मालं मउडं मुत्ताजालं हेमजालं कडगाणि य तुडियाणि य आभरणाणि य सरंचणामाहयंकं पभासतित्थोदगं च गिण्हइ त्ता जाव पच्चस्थिमेणं पभासतित्थमेराए अहण्ण देवाणुप्पिआणं विसयवासी जाव पच्चथिमिल्ले अंतवाले, सेसं तहेव जाव अट्ठाहिआ निव्वत्ता ॥४९॥तए णं से दिव्ये चक्करयणे पभासतित्थकुमारस्स देवस्स अट्टाहिआए महामहिमाए णिवत्ताए समाणीए आउहधसालाओ पडिणिक्खभइ त्ता जाव पूरेते चेव अंबरतलं सिंधूए महाणईए दाहिणिल्लेणं कूलेणं पुरच्छिम दिसिं सिंधुदेवीभवणाभिमुहं पयाते आवि होत्था, एणं से भरहे राया तं दिव्यं चक्करयणं सिंधूए महाणईए दाहिणिल्लेणं कूलेणं पुरस्थिमं दिसिं सिंधुदेवीभवणाभिमुहं प्यातं पासइ त्ता हट्टतुट्ठचित्त० तहेव जाव जेणेव सिंधूए देवीए भवणे तेणेव उवागच्छइ त्ता सिंधूए देवीए भवणस्स अदूरसामंते दुवालसजोअणायाम णवजोयणविच्छिण्णं वरणगरसारिच्छं विजयखंधावारणिवेसं करेइ जाव सिंधुदेवीए अट्ठमभत्तं पगिण्हइ त्ता पोसहसालाए पोसहिए बंभयारी जाव दब्भसंथारोवगए अट्ठमभत्तिए सिंधुदेविं मणसि रेमाणे चिट्ठइ, तए णं तस्स भरहस्सरण्णो अट्ठमभत्तंसि परिणममाणंसि | ॥श्री जंबूद्वीप प्रज्ञप्ति सूत्र॥
पू. सागरजी म. संशोधित
For Private And Personal Use Only
