________________
Shri Mahavir Jain Aradhana Kendra
www. kcbetirth.org
Acharya Shri Kailassagarsuri Gyanmandir
देवण्णो सोमजमवरूणवेसमणकाइया बहवे आभिओगा देवा महिद्धीआ महज्जुईआ जाव महासुक्खा पलिओवभट्ठिइया परिक्संति,| तासिंणं आभिओगसेढीणं बहुसभरमणिजाओ भूमिभागाओ वेयड्डस्स पव्वयस्स उभओ पासिं पंच २ जोयणाई उद्धं उपइत्ता एत्थणं वेयद्धस्स पव्वयस्स सिहरतले पं० पाईगपडीणायए उदीणदाहिणविच्छिण्णे दस जोअणाई विक्खंभेणं पव्वयसमगे आयामेणं, सेणं इकाए पउमवरवेइयाए इक्केणं वणसंडेणं सवओ समंता संपरिक्खित्ते पमाणं वण्णगो दोण्हंपि, वेयड्डस्सणं भंते! पव्वयस्स सिहरतलस्स केरिसए आगारभावपडोआरे पं०?, गो०! बहुसमरमणिजे भूभिभागे पं० से जहाणामए आलिंगपुक्खरेइ वा जाव णाणाविहपंचवण्णेहिं मणीहिं उवसोभिए जाव वावीओ पुस्खरिणीओ जाव वाणमंतरा देवा य देवीओ य आसयंति जाव भुंजमाणा विहरंति, जंबुद्दीवेणं भंते! दीवे भारहे वासे वेअड्डपव्वए कई कूडा पं०?, गो०! णव कूडा पं००-सिद्धाययणकूडे दाहिणड्ढभरहकूडे खंडप्पवायगुहा० माणिभ६० वेअड्ड० पुण्णभ६० तिमिसगुहा० उत्तरड्भरह० वेसमणकुडे॥१२॥ कहिं णं भंते! जंबुद्दीवे दीवे भारहे| वासे वेअद्धपव्वए सिद्धायतणकूडे णामं कूडे पं०?, गो०! पुरच्छिमलवणसमुहस्स पच्चच्छिमेणं दाहिणद्धभरहकूडस्स पुरच्छिमेणं एत्थ णं जंबुद्दीवे भारहे वासे वेअद्ध पव्वए सिद्धायतणकूडे णामं कुडे पं० छ सक्कोसाइं जोअणाई उद्धंउच्चतेणं मूले छ सक्कोसाई जोयणाई विक्खंभेणं मझे देसूणाई पंच जोयणाई विक्खंभेणं उरि साइरेगाई तिण्णि जोअणाई विक्खंभेण मूले देसूणाई बावीस जोअणाई परिक्खेवेणं मझे देसूणाई पण्णरस जोअणाई परिक्खेवेणं उरि साइरेगाई णव जोअणाई परिक्खेवेणं मूले विच्छिण्णे ॥श्री जंबूद्वीपप्रज्ञप्ति सूत्र।
| पू. सागरजी म. संशोधित
For Private And Personal Use Only
