________________
Shri Mahavir Jain Aradhana Kendra
www.kcbatirth.org
Acharya Shri Kailassagarsuri Gyanmandie
जेणेव भगवओ तित्थयरस्स जम्मणणयरे जेणेव जम्मणभवणे जेणेव तित्थयरमाया तेणेव उवागच्छइ त्ता भगवं तित्थयरं माऊए पासे || ठवेइ त्ता तित्थ्यरपडिरूवगं पडिसाहरइ त्ता ओसोवणिं पडिसाहरइ त्ता एगं महं खोमजुअलं कुंडलजुअलं च भगवओ तित्थयरस्स उस्सीसगमूले ठवेइत्ता एगंमहं सिरिदामगंडं तवणिज्जलंबूसगं सुवण्णपयरगमंडियंणाणामणिरयणविविहहारद्धहारउवसोहिअसमुदयं भगवओ तित्थ्यरस्स उल्लोयंसि निक्खिवइ, तण्णं भगवं तित्थ्यो अणिमिसाए दिट्ठीए देहमाणे २ सुहंसुहेणं अभिरममाणे चिट्ठइ, तए णं से सक्के देविंदे देवराया वेसमणं देवं सद्दावेइ त्ता एवं वदासी खिय्यामेव भो देवाणुप्पिया ! बत्तीसं हिरण्णकोडीओ बत्तीसं सुवण्णकोडीओ बत्तीसंणंदाइंबत्तीसं भद्दाइंसुभगे सुभगसोभन्गरूवजुव्वणलावण्णेय भगवओ तित्थयरस्स जम्मणभवणंसिसाहराहिं त्ता एयमाणत्तियं पच्चप्पिणाहि, तए णं से वेसमणे देवेसक्केणं जाव विणएणं वयणं पडिसुणेइ त्ता जम्भए देवे सहावेइ त्ता एवं वदासी खिय्यामेव भो देवाणुप्पिया ! बत्तासं हिरवणकोडीओ बत्तीसं हिरण्णकोडीओ जाव भगवओ तित्थयरस्स जम्मणभवणंसि साहरहत्ता एयमाणत्तियं पच्चप्पिणह, ताणते जंभगा देवा वेसमणेणं देवेणं एवं वुत्ता समाणा हद्वतजाव खिप्पामेव बत्तीसं हिरणकोडीओ जाव भगवओ तित्थगरस्स जम्मणभवणंसि साहति त्ता जेणेव वेसमणे देवे जाव पच्चप्पिणंति, तएणं से वेसमणे देवे जेणेव सक्के देविंद देवराया जाव पच्चप्पिणइ, तए णं से सक्के देविंदे देवराया अभिओगे देवे सद्दावेइ त्ता एवं वयासी खिय्यामेव भो देवाणुप्पिआ! भगवओ तित्थयरस जम्मणणयसि सिंघाडगजावमहापहपहेसु महया २ सद्देणं उग्धोसेमा २ एवं वदह हंदि सुणंतु भवंतो बहवे ॥ श्री जंबूद्वीप प्रनप्ति सूत्र॥
| पू. सागरजी म. संशोधित
For Private And Personal Use Only
