________________
Shri Mahavir Jain Aradhana Kendra
www.kcbetirth.org
Acharya Shri Kailassagarsuri Gyanmandir
|य चउसु विदिसासु दीविआहत्थगयाओ आगायमाणीओ परिगायमाणीओ चिटुंति, तेणं कालेणं० मज्झिमरुअगवत्थव्वाओ चत्तारि|| दिसाकुमारीमहत्तरिआओ सएहिं २ कूडेहिं तहेव जाव विहरंति, तं०-रूआ रूयंसा सुरूया रूअगावई तहेव जाव तुब्भेहिं । भाइयव्यंतिकट्टु भगवओ तित्थ्यस्स चउरंगुलवजणाभिणालं कप्पंति त्ता वियरगं खणति त्ता वियरगेणाभिं णिहणंति त्तारयणाण यवइराण य पूरेंति त्ता हरिआलियाए पेढं बंधंति त्ता तिदिसिंतओ कयलीहरए विउव्वंति, तए णं तेसिंकयलीहरगाणं बहुमज्झदेसभाए तओ चाउस्सालए विउव्वंति, तए णंतेसिंचाउस्सालगाणं बहुमज्झदेसभाए तओ सीहासणे विउव्वंति, तेसिंणं सीहासणाणं अयमेयारूवे वण्णावासे पं० सव्वोवण्णगो भाणियव्वो, तए णं ताओ रुअगमझवत्थव्वाओ चत्तारि दिसाकुमारीमहत्तराओ जेणेव भयवं तित्थ्यरे तित्थ्यरमाया य तेणेव उवागच्छंति त्ता भगवं तित्थ्यरं करयलसंपुडेणं गिण्हति तित्थ्यरमायरं च बाहाहिं गिण्हति त्ता जेणेव दाहिणिल्ले कयलीहरए जेणेव चाउसालए जेणेव सीहासणे तेणेव उवागच्छंति त्ता भगवं तित्थयरं तित्थ्यमायरं च सीहासणे णिसीयाति त्ता सयपागसहस्सपागेहिं तिल्लेहिं अब्भंगेति त्ता सुरभिणा गंधवट्टएणं उवठेति त्ता भगवं तित्थ्यरं करयलपुडेहिं तित्थयरमायरं च बाहासु गिण्हंति त्ता जेणेव पुरथिमिल्ले कयलीहरए जेणेव चउसालए जेणेव सीहासणे तेणेव उवागच्छंति त्ता भगवं तित्थयरं तित्थयरमायरं च सीहासणे णिसीआवेति त्ता तिहिं उदएहिं मजाति, तं०-गंधोदएणं पुष्फोदएणं सुद्धोदएणं, मज्जावित्ता सव्वालंकारविभूसियं करेंति त्ता भगवं तित्थ्यरं करयलपुडेहिं तित्थ्यरमायरं च बाहाहिं गिण्हंति त्ता जेणेव उत्तरिल्ले कयलीहरए जेणेव चउसालए जेणेव सीहासणे ॥श्री जंबूद्वीप प्रज्ञप्ति सूत्र
पू. सागरजी म. संशोधित
For Private And Personal Use Only
