________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
परिहायमाणे २ उवरितले एगंजोयणसहस्सं विक्खम्भेणं मूले एक्त्तीसंजोयणसहस्साई णव यदसुत्तरे जोयणसए तिण्णि य एगारसभाए|| जोयणस्स परिक्खेवेणं धरणियले एक्कत्तीसं जोयणसहस्साई छच्च तेवीसं जोयणसए परिक्वेवेणं उवरितले तिण्णि जोयणसहस्साई एगंच बावटुं जोयणसयं किंचिविसेसाहियं परिक्खेवेणं मूले विच्छिण्णे मझे संखित्ते उवरि तणुए गोपुच्छसंठाणसंठिए सव्वरयणामए अच्छे सण्हे०,सेणंएगाए पउमवर वेड्याए एगेण यवणसंडेणंसव्वओसमंता संपरिक्खित्ते वण्णओ, मंदरेणं भंते ! पव्वए कवणा पं०?, गो० चत्तारिवणा पं०२०-भद्दसालणंदण० सोमणस० पंडगवणे, कहिं णं भंते ! मंदरे पव्वए भहसालवणे णामं वणे पं०?, गो०! धरणियले एत्थ णं मंदरे पव्वए भद्दसालवणे णामं वणे पं० पाईणपडीणायए उदीणदाहिणविच्छिण्णे सोमणसविजुप्पहगंधमायणमालवंतेहिं वक्खारपव्वएहिं सीआसीओयाहि य महाणईहिं अट्ठभागपविभत्ते मंदरस्स पुरथिमपच्चत्थिमेणं बावीसंजोयणसहस्साई आयामेणं उत्तरेणं दाहिणेणं च अद्धाइज्जाई जोअणसयाई विक्खम्भेणं, से णं एगाए पउभरवेइयाए एगेण य वणसंडेणं सव्वओ समन्ता संपरिक्खित्ते दुण्हवि वण्णओ भाणिअव्वो किण्हे किण्होभासे जाव देवा आसयन्ति०, मन्दरस्सणं पव्वयस्स पुरस्थिमेणं भहसालवणं पण्णासं जोअणाई ओगाहित्ता एत्थ णं महं एगे सिद्धाययणे पं० एण्णासं जोयणाई आयामेणं पणवीसं जोअणाइं| विक्खम्भेणं छत्तीसंजोअणाई उद्धंउच्चत्तेणं अणेगखम्भसयसण्णिविढे वण्णओ, तस्सणं सिद्धाययणस्स तिदिसिंतओ दारा पं०, ते णं दारा अट्ठजोयणाई उद्धंउच्चत्तेणं चत्तारि जोयणाई विक्खंभेणं तावइयं चेव पवेसेणं सेआ वरकणगथूभिआगा जाव वणमालाओ | ॥श्री जंबूद्वीप प्रज्ञप्ति सूत्र
पू. सागरजी म. संशोधित
For Private And Personal Use Only
