________________
Shri Mahavir Jain Aradhana Kendra
www. kcbetirth.org
Acharya Shri Kailassagarsuri Gyanmandir
||पं०?, गो०! तेसिं चित्तविचित्तकूडाणं पव्व्याणं उत्तरिल्लाओ चरिमंताओ अट्ठचोतीसे जोयणसए चत्तारि य सत्तभाए जोयणस्स अबाहाए सीओआए महाणईए बहुमझदेसभाए एत्थ णं णिसहहहे णामं दहे पं०, एवं जच्चेव नीलवंतउत्तरकुरुचन्देरावयमालवंताणं वत्तव्वया। सच्चेव णिसहदेवकुरूसूरसुलसविजुप्पभाणं णेअब्वा, रायहाणीओ दक्खिणेणं ॥१००॥ कहिं णं भंते! देवकुराए २ कूडसामलिपेढे णामं पेढे पं०?, गो०! मन्दरस्स पव्वयस्स दाहिणपच्चत्थिमेणं णिसहस्स वासहरपव्वयस्स उत्तरेणं विजुप्पभस्स वक्खारपव्वयस्सपुरथिमेणं सीओआए महाणईए पच्चत्थिमेणं देवकुरुपच्चत्थिमद्धस्स बहुमज्झदेसभाए एत्थ्णं देवकुराए कूडसामली पेढे णामं पेढे पं०, एवं जच्चेव जंबूए सुदंसणाए वत्तव्वया सच्चेव सामलीएवि भाणिअव्वा णामविहूणा गरुलवेणुदेवे रायहाणी दक्खिणेणं अवसिटुं तं चेव जाव देवकुरू य इत्थ देवे पलिओवमटिइए परिवसइ, से तेणटेणं गो०! एवं वुच्चइ देवकुरा २, अदुत्तरं च णंदेवकुराए० ॥१०१॥कहिणं भंते! जंबुद्दीवे महाविदेहे वासे विजुष्यभेणामं वक्खारपव्वए पं०?, गो०! णिसहस्सवासहरपव्वयस्स उत्तरेणं मन्दरस्स दाहिणपच्चत्थिमेणं देवकुराए पच्चत्थिमेणं पम्हस्स पुरथिमेणं एत्थणंजंबुद्दीवे महाविदेहे वासे विजुप्पभे वक्खारपव्वए पं० उत्तरदाहिणायए एवं जहा मालवन्ते णवरि सव्वत्वणिजमए अच्छे जाव देवा आसयन्ति०, विजुष्यभेणं भंते! वक्खारपव्वए कई कूडा पं०?, गो! नव कूडा पं००-सिद्धाययणकूडे विजुप्पभ० देवकुरु० पम्ह० कणग० सोवस्थिअ० सीओआ० सयञ्जल. हरिकूडे, सिद्धेय विजुणामे देवकुरू पम्ह कणग सोवत्थी। सीओआय सयञ्जल हरिकूडे चेव बोद्धव्वे॥६०॥ एए हरिकूडवजा श्री जंबूद्वीप प्रज्ञप्ति सूत्र।
|१३३
पू. सागरजी म. संशोधित
For Private And Personal Use Only
