________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| उप्पिं अंतो पउमर वेइआए पत्थ णं एगे महं वणसंडे पं०, देसूणाई दो जोअणाई विक्खंभेणं वेदियासमएण परिक्खेवेणं किण्हे जाव | तणविहूणो णेअव्वो ॥ ६ ॥ जंबुद्दीवस्स णं भंत ! दीवस्स कइ दारा पं०?, गो० ! चत्तारि दारा पं० तं०- विजए वेजयंते जयंते अपराजिए, | एवं चत्तारिवि दारा सरायहाणि भाणियव्वा ॥ ७॥ कहिं णं भंते! जंबुद्दीवस्स विजए णामं दारे पं०, गो० ! जंबुद्दीवे मंदरस्स पव्वयस्स पुरत्थिमेणं पणयालीसं जोयणसहस्साई वीडवइत्ता जंबुद्दीवपुरित्थमपेरंते लवणसमुद्दपुरत्थिमद्धस्स पच्चत्थिमेणं सीआए महाणईए उपिं एत्थ णं जंबुद्दीवस्स विजए णामं दारे पं० अट्ठ जोयणाई उद्धउच्चतेणं चत्तारि जोयणाई विक्खंभेणं तावइयं चेव पवेसेणं सेए वरकणगथुभियाए जाव दारस्स वण्णओ जाव रायहाणी ॥ ८ ॥ जंबुद्दीवस्स णं भंते! दीवस्स दारस्स य दाररस य के वइए अबाहाए। अंतरे पं० ?, गो० ! अउणासीई जोअणसहस्साई बावण्णं च जोअणाई देसूणं च अद्धजोअणं दारस्स य २ अबाहाए अंतरे पं० | अउणासीइ सहस्सा बावण्णं चेव जोअणा हुंति। ऊणं च अद्धजोअण दारंतर जंबुदीवस्स ॥ १॥ ९। कहिं णं भंते! जंबद्दीवे दीवे भरहे णामं वासे पं०?, गो० ! चुल्लहिमवंतस्स वासहरपव्वयस्स दाहिणेणं दाहिणलवणसमुद्दस्स उत्तरेणं पुरत्थिमलवणसमुद्दस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे भरहे णामं वासे पं०, खाणु बहुले कंटक० विसम० दुग्ग० पव्वय० पवाय० उज्झर० णिज्झर० खड्डा० दरी० ई० दह० रुक्ख० गुच्छ० गुम्म० लया० वल्ली० अडवी० सावय० तण० तक्कर० डिम्ब० डमर० दुब्भिक्ख० दुक्काल० पासंड० किवण० वणीमग० इति० मारि० कुवुट्ठि० अणावुट्टि० राय० रोग० संकिलेसबहुले अभिक्खणं २ ॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
For Private And Personal Use Only
