________________
Shri Mahavir Jain Aradhana Kendra
www. kcbatirth.org
Acharya Shri Kailassagarsuri Gyanmandir
दाहिणद्धकच्छंच उत्तरद्धकच्छं च, कहिं णं भंते! जंबुद्दीवे महाविदेहे वासे दाहिणद्धकच्छे णाम विजए पं०?, गो०! वेयद्धस्स पव्वयस्स दाहिणेणं सीआए महाणईए उत्तरेणं चित्तकूडस्स वक्वारपव्वयस्स पच्चत्थिमेणं मालवंतस्स वक्वारपव्वयस्स पुरथिमेणं एत्थ णं जंबहीवे महाविदेहे वासे दाहिणद्धकच्छे ामं विजए पं० उत्तरदाहिणायए पाईणपडिणविच्छिण्णे अट्ठ जोयणसहस्साई दोण्णि य एगसत्तरे जोयणसए एकं च एगूणवीसहभागं जोयणस्स आयामेणं दो जोयणसहस्साई दोण्णि य तेरसुत्तरे जोयणसए किंचिविसेसूणे विक्खंभेणं पलिअंकसंठाणसंठिए, दाहिणद्धकच्छस्सणं भंते! विजयस्स केरिसए आयारभावपडोआरे पं०?, गो०! बहुसमरमणिजे भूमिभागे पं० जाव अकित्तिमेहिं चेव, दाहिणद्धकच्छे णं भंते! विजए मणुआणं केरिसए आयारभावपडोयारे पं०?, गो०! तेसिंणं मणुआणं छव्विहे संध्यणे जाव सव्वदुक्खाणमंतं करेंति, कहिं गं भंते! जंबुद्दीवे महाविदेहे वासे कच्छे विजए वेयद्धे णाम पव्वए पं०? गो०! दाहिणद्धकच्छविजयस्स उत्तरेणं उत्तद्धकच्छस्स दाहिणेणं चित्तकूडस्स पच्चथिमेणं मालवंतस्स वक्खारपव्वयस्स पुरथिमेणं एत्थ्णं कच्छे विजए वेअद्धे णामं पव्वए पं० पाईणपडीमायए उदीणदाहिणविच्छिण्णे दुहा वक्खारपव्वयं पुढे पुरथिमिल्लाए कोडीए जाव दोहिवे पुढे भरहवेअद्धसरिसए णवरं दो बाहाओ जीवा धणुपुटुं च ण कायव्वं विजयविक्खंभसरिसे आयामेणं, विक्खंभो उच्चतं उब्वेहो तहच्चेव, विजाहरआभिओगसेढीओ तहेव, गवरं पणपणे २ विजाहरणगरावासा पं०, आभिओगसेढीए उत्तरिल्लाओ सेढीओ सीयाए ईसाणस्स सेसाओ सकस्स, कूडा सिद्ध कच्छे खंडग माणी वेअद्ध पुण्ण तिमिसगुहा || ॥ श्री गंबूद्वीप प्रज्ञप्ति सूत्र॥
| पू. सागरजी म. संशोषित
For Private And Personal Use Only
