________________
Shri Mahavir Jain Aradhana Kendra
www.kcbatirth.org
Acharya Shri Kailassagarsuri Gyanmandie
| महाणईए पुरथिमिल्ले कूले एत्थणं उत्तरकुराए कुराए जम्बूपेढे णामं पेढे पं० पंच जोअणसयाई आयामविक्खंभेणं पण्णरस एक्कासीयाई|| जोअणसयाई किंचिविसेसाहिआई परिक्खेवेणं बहुमज्झदेसभाए बारस जोअणाई बाहल्लेणं तयणंतरं चणं मायाए २ पदेसपरिहाणीए परिहीयमाणे २ सव्वेसु णं चरिमपेरंतेसु दो दो गाऊआई बाहल्लेणं सव्वजम्बूणयामए अच्छे०, से णं एगाए ५३मवरवेइआए एगेण य वणसंडेण सवओ समन्ता संपरिक्खित्ते दुण्हंपिवण्णओ, तस्सणं जम्बूपेढस्स चउद्दिसिं चत्तारि तिसोवाणपडिरूवगा पं० वण्णओ जाव तोरणाइं, तस्सणं जम्बूपेढस्स बहुमज्झदेसभाए एत्थ णं मणिपेढिआ पं० अट्ठजोअणाई आयामविक्खंभेणं चत्तारि जोअणाई बाहल्लेणं, तीसेणंमणिपेढिआए उप्पिं एत्थ् जम्बू सुदंसणा पं० अट्ठ जोयणाई उद्धंउच्चत्तेणं अद्धजोयणं उव्वेहेणं, तीसे णं खंधो दो जोयणाई उद्धंउच्चत्तेणं अद्धजोअणं वाहल्लेणं, तीसे णं साला छ जोअणाई उद्धंउच्चतेणं बहुमझदेसभाए अट्ठ जोअणाई आयामविक्खंभेणं साइरेगाई अढ जोयणाई सव्वग्गेण, तीसे णं अयमेआरूवे वण्णावासे पं०-वइरामया मूला रययसुपइट्ठिअविडिमा जाव अहिअप्र० हियय) मणणिव्वुइकरी पासाईआ दरिसणिजा०, जंबूए णं सुदंसणाए चउहिसिं चत्तारि साला पं०, तेसिंणं सालाणं बहुमझदेसभाए एत्थणं सिद्धाययणे पं० कोसं आयामेणं अद्धकोसं विक्खम्भेणं देसूणगं कोसं उद्धंउच्चत्तेणं अणेगखम्भसयसण्णिविढे जाव दारा पञ्चधणुसयाई उद्धंउच्चत्तेणं जाव वणमालाओ मणिपेढिआ पञ्चधणुसयाई आयामविक्खम्भेणं अद्धाइजाई घणुसयाई बाहल्लेणं, तीसे णं मणिपेढिआए उप्पिं देवच्छन्दए पंचधणुसयाई आयामविक्खंभेणं साइरेगाइं पञ्च घणुसयाई उद्धंउच्चत्तेणं, जिणपडिमा वण्णओ ॥श्री जयदीप प्रज्ञप्ति सूत्र।
पू. सागरजी म. संशोधित
For Private And Personal Use Only
