________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| सो चेव वण्णाओ वइरतले वट्टे समतीरे जाव तोरणा, तस्स णं रोहिअप्पवायकुण्डस्स बहुमज्झदेसभाए एत्थ णं महं एगे रोहिअदीवे | णामं दीवे पं० सोलस जोयणाई आयामविक्खंभेणं साइरेगाई पण्णासं जोयणाई परिक्खेवेणं दो कोर्स ऊसिए जलताओ सव्ववइरामए अच्छे०, से णं एगाए पउमवरवेइयाए एगेण य वणसंडेणं सव्वओ समता संपरिक्खित्ते, रोहिअदीवस्स णं उपिं बहुसमरमणिज्जे भूमिभागे पं०, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महं एगे भवणे पं०, कोसं आयामेणं सेसं तं चेव, |पमाणं च अट्ठो य भाणियव्वो, तस्स णं रोहिअप्पवायकुण्डस्स दक्खिणिल्लेणं तोरणेणं रोहिया महाणई पवूढा समाणी हेभवयं वासं एज्जेमाणी २ सद्दावइवट्टवेअद्ध पव्वयं अद्धजोयणेणं असंपत्ता पुरत्याभिमुहा आवत्ता समाणी हेमवयं वासं दुहा विभयमाणी २ | अट्ठावीसाए सलिलासहस्सेहिं समग्गा अहे जगई दालइत्ता पुरत्थिमेणं लवणसमुहं समप्पेड़, रोहिआ णं जहा रोहिअंसा तहा पवाहे य मुहे य भाणियव्वा जाव संपरिक्खित्ता, तस्स णं महापउमद्दहस्स उत्तरिल्लेणं तोरणेणं हरिकंता महाणई पवूढा समाणी सोलस पंचुत्तरे जोयणसए पंच य एगूणवीसइभाए जोयणस्स उत्तराभिमुहा पव्वएणं गंता महया घडमुहपवत्तिएणं मुत्तावलिहार संठिएणं साइरेगदुजोयणसइएणं पवाएणं पवडइ, हरिकंता महाणई ज्ओ पवडड़ एत्थ णं महं एगा जिब्भिआ पं० दो जोयणाई आयामेणं पणवीसं जोयणाइं विक्खंभेणं अद्धं जोयणं बाहल्लेणं मगर मुहविउद्वसंठगणसंठिया सव्वरयणामई अच्छा०, हरिकंता णं महाणई जहिं पवडइ एत्थ णं महं एगे हरिकंतप्पवायकुंडे णामं कुंडे पं० दोण्णि य चत्ताले जोयणसए आयामविक्खंभेणं सत्तअउणट्टे जोयणसए
॥ श्री जंबूद्वीप प्रज्ञप्ति सूत्रं ॥
१०३
पू. सागरजी म. संशोधित
For Private And Personal Use Only
