________________
Shri Mahavir Jain Aradhana Kendra
www.kcbatirth.org
Acharya Shri Kailassagarsuri Gyanmandie
सहावइवट्टवेयद्धपव्वए णं खुड्डाखुड्डिआसु वावीसु जाव बिलपंतिआसु बहवे उप्पलाई एउमाई सहावइथ्यभाई सद्दावइवण्णाई सदावतिवण्णाभाई सद्दावई यइत्थ देवे महिद्धीए जाव महाणुभावे पलिओवभठिइए परिवसइ, सेणंतत्थ चउण्हं सामाणिअसाहस्सीणं जावरायहाणीवि नेयव्वा मंदरस्स पव्वयस्स दाहिणेणं अण्णमि जंबुद्दीवे दीवे॥ ७८॥ सेकेणटेणं भंते! एवं वुच्चइ हेमवा वासे२?, गो! चुल्लहिमवन्तमहाहिमवन्तेहिं वासहरपव्वएहिं दुहओ समवगूढे णिच्चं हेमंदलइ णिच्चं हेमं मुंचति णिच्चं हेमं पगासइ हेमवए य इत्थ देवे जाव पलिओवभट्ठिइए परिवसइ से तेणटेणं गो०! एवं वुच्चइ हेमवए वासे २॥७९॥ कहिं णं भंते! जंबुदीवे महाहिमवन्ते णाम वासहरपव्वए पं०?, गो०! हरिवासस्सदाहिणेणं हेमवयस्सवासस्स उत्तरेणंपुरथिमलवणसमुद्दस्स पच्चत्थिमेणं पच्चस्थिमलवणसमुहस्स पुरथिमेणं एत्थ जंबुद्दीवे महाहिमवंते णामं वासहरपव्वए पं० पाईणपडीणायए उदीणदाहिणविच्छिण्णे पलियंकसंठाणसंठिए दुहा लवणसमुदं पुढे पुरथिभिल्लाए कोडीए जाव पुढे पच्चथिमिल्लाए कोडीए पच्चस्थिभिल्लं लवणसमुदं पुढे दो जोअणसयाई उद्धंउच्चतेणं पण्णासं जोअणाई उव्वेहेणं चत्तारि जोअणसहस्साई दोणिय दसुत्तरे जोअणसए दस य एगूणवीसइभाए जोअणस्स विक्खंभेणं, तस्स बाहा पुरथिम्पच्चत्थिमेणं णव जोअणसहस्साई दोण्णि य छावत्तरे जोअणसए णव च एगूणवीसइभाए जोअणस्स अद्धभाग य आयामेणं, तस्स जीवा उत्तरेणं पाईणपडीणायया दुहा लवणसमुदं पुट्ठा पुरथिमिल्लाए कोडीए पुरथिमिल्लं लवणसमुदं पुट्ठा पच्चस्थिभिल्लाए जाव पुट्टा तेवण्णं जोअणसहस्साई नव य एगतीसे जोअणसए छच्च एगूणवीसइभाए जोअणस्स किंचिविसेसाहिए | ॥श्री जंबूद्वीप प्रज्ञप्ति सूत्र॥
| पू. सागरजी म. संशोधित
For Private And Personal Use Only
