________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
असंखेज्जइभागं बाहल्लेणं पं०, ईसीपब्भाराए णं पुढवीए दुवालस नामधिजा पं०तं०. ईसिइ वा ईसीपब्भाराइ वा तणुइ वा तणुतणुइ वा सिद्धित्ति वा सिद्धालएति वा मुत्तित्ति वा मुत्तालाइ वा लोयग्गेत्ति वा लोयम्गथूभियाति वा लोयग्गपडिवुज्झणाइ वा सव्वपाणभूयजीवसत्तसुहावहाइ वा, ईसीपब्भारा णं पुढवी सेया संखदलविमलसोत्थियभुणालदगरयतुसारगोक्खीरहारवण्णा उत्ताणयच्छत्तसंठाणसंठिया सव्वजुणसुवण्णमई अच्छा सण्हा घट्टा मट्टा नीरया निम्मला निप्पंका निकंकडच्छाया सप्पभा समिरिया सउज्जोया पासाईया दरिसणिज्जा अभिरूवा पडिरूवा, ईसीपब्भाराए णं पुढवीए सीआए जोयणम्मि लोगंतो तस्स णं जोयणस्स जे से उवरिल्ले गाउए तस्सणं गाउयस्स जे से उवरिल्ले छब्भागे एत्थणं सिद्धा भगवंतो साइया अपजवसिया अणेगजाइजरामरणजोणिसंसारकलंकलीभावपुणब्भवगब्भवासवसहीपवंचसमइकंता सासयमणागय कालं चिटुंति, तत्थवियते अवेया अवेयणा निम्ममा असंगा य संसारविष्पमुक्का पएसनिव्वत्तसंठाणा कहिं पडिहया सिद्धा, कहिं सिद्धा पइट्ठिया। कहिं बोदि चइत्ताणं, कत्थ् गंतूण सिज्झइ?॥९॥ अलोए पडिहया सिद्धा, लोयग्गे य पइडिया । इह बोदिंचइत्ताणं, तत्थ गंतूण सिझइ ॥१६०॥ दीहं वा हस्सं वा जंचरिमभवे हविज संठाणं तत्तो तिभागहीणा सिद्धाणोगाहणा भणिया ॥१॥जं संठाणंतु इहं भवं चयंतस्स चरिमसमयंमि आसीय पदेसघणं तं संठाणं तहिं तस्स ॥२॥ तिनि सया तित्तीसाधणुत्तिभागोय होइ नायव्वो । एसा खलु सिद्धाणं उक्कोसोगाहा भणिया ॥३॥ चत्तारि य रयणीओ रयणी तिभागणिया य बोद्धव्वा । एसा खलु सिद्धाणं मज्झिम० ॥४॥एगा य होइ रयणी ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
