________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|दुवे कप्पा पं० पाईणपडीणायया उदीणदाहिणविच्छिण्णा अद्धचंदसंठाणसंठिया अच्चिमालीभासरासिवण्णाभा असंखिजाओ ||
जोयणकोडाकोडीओ आयामविक्खंभेणं असंखिजाओ जोयणकोडाकोडीओ परिक्खेवेणं सवरयणामया अच्छा सण्हा पडिरूवा, एत्थ णं आरणच्चुयाणं देवाणं तिनि विमाणावाससया भवन्तीतिमक्खायं, ते णं सव्वरयणामया अच्छा सण्हा पडिरूवा, तेसिं णं विमाणाणं कप्पाणं बहुमज्झदेसभाए पंच वडिंसया पं० तं०-अंकवडिंसए फलिहवडिं ० रयणवडिं ० जायरूवव० मझेएत्थ अच्चुयवडिंसए, ते णं वडिंसया सव्वरयणाम्या जाव पडिरूवा, एत्थ णं आरणच्चुयाणं देवाणं पजत्तापज्जत्ताणं ठाणा पं०, तिसुवि लोयस्स असंखेजइभागे, तत्थ णं बहवे आरणच्चुया देवा परिवसंति, अच्युए इत्य् देविंदे देवराया परिसवइ जहा पाणए विहरइ, नवरं तिण्हं विमाणावाससयाणं दसण्हं सामाणियसाहस्सीणं चत्तालीसाए आयरक्खदेवसाहस्सीणं आहेवच्चं० कुव्वमाणे जाव विहरइ, बत्तीस अट्ठवीसा बारस अट्ठ चउरो (य) सयसहस्सा । पन्ना चत्तालीसा छच्च् सहस्सा सहस्सारे ॥१५५॥ आणयपाणयप्पे चत्तारि सयाऽऽरणच्चुए तिनि । सत्त विमाणसयाई चउसुवि एएसु कप्पेसु ॥६॥ सामाणियसंगहरोणी गाहा चउरासीई असीई बावत्तरी सत्तरी य सट्ठी या पत्रा चत्तालीसा तीसा वीसा दस सहस्सा ॥१५७॥ एए चेव आयरक्खा चउग्गुणा, कहिं णं भंते! हिटिमगेविजगाणं देवाणं पूजत्तापज्जत्ताणं ठाणा पं० कहिं णं भंते! हिडिमगेविजगा देवा परिवसंति?, गो०! आरणच्चुयाणं कप्पाणं उप्पिं जाव उड्ढे दूरं उप्पइत्त। एत्य णं हिटिमगेविजगाणं देवाणं तओ गेविजविमाणपत्थडा पं० ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
