________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
णरगावाससयसहस्से हवन्तीतिमक्खायं, तेणंणरगा अंतो वट्टा० एत्य णं तमापुढवीनेरइयाणं पजत्तापज्जत्ताणं ठाणा पं०, उववाएणं समुग्धाएणं सहाणेणं लोयस्स असंखेजइभागे, तत्थ णं बहवे तमप्पभापुढवीनेरइया परिवसति, काला० विहरन्ति, कहिं णं भंते! तमतमापुढवीनेरइयाणं पजत्तापजत्ताणं ठाणा पं० कहिं णं भंते! तमतमापुढवीनेरइया परिवसंति ?, गो०! तमतमाए पुढवीए अट्ठोत्तरजोयणसयसहस्सबाहल्लाए उवर अद्धतेवनं जोयणसहस्साई ओगाहित्ता हेट्ठावि अद्धतेवनं जोयणसहस्साई वजित्ता मझे तीसु जोयणसहस्सेसु एत्थ णं तमतमापुढवीनेरइयाणं पजत्तापजताणं पंचदिसिं पंच अणुत्ता महइमहालया महानिरया पं० २०काले महाकाले रोरूए महारोरुए अपइट्ठाणे, ते णं णरगा अंतो वट्टा०, एत्य णं तमतमापुढवीनेरइयाणं० ठाणा पं०, उववाएणं लोयस्स असंखेजड़भागे० समुग्धाएणं सहाणेणं लोयस्स असंखेजाभागे, तत्थ णं बहवे तमतमापुढवीनेरइया परिवसंति, काला कालोभासा० विहरन्ति, आसीयं बत्तीसं अट्ठावीसं च हुंति वीसंच अट्ठारस सोलसगं अत्तरमेव हिहिमिया ॥ १३४ ॥ अठुत्तरं च तीसं छव्वीसं चेव सयसहस्सं तु । अट्ठारस सोलसगं चउद्दसमहियं तु छट्ठीए ॥ ५ ॥ अद्धतिवनसहस्सा उवधिमहे वज्जिऊण तो भणियं । मझे तिसहस्सेसुं होन्ति उ नरगा तमतमाए ॥ ६ ॥ तीसा य पन्नवीसा पनरस दसेव सयसहस्साई । तिनि य पंचूणेगं पंचेव अणुत्तरा नरगा ॥१३७ ॥ ४३। कहिं णं भंते ! पंचिदियतिरिक्खजोणियाणं पूजत्तापज्जत्ताणं ठाणा पं०?, गो०! उड्ढलोए तदेकदेसभाए अहोलोए तदेकदेसभाए तिरियलोए अगडेसु तलाये० समुद्देसु सव्वेसु चेव जलासएसु जलठाणेसु एत्थ णं ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
