________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पजत्तगाणं अपज्जत्तगाण य ठाणा पं०?. गो०! सुहमपुढवीकाइया जे पज्जत्तगा जे य अपज्जत्तगा ते सव्ये एगविही अविसेसा अणाणत्ता सव्वलोयपरियावन्नगा पं० समणाउसो! कहिं णं भंते! बादरआउकाइयाणं पज्जतगाणं ठाणा पं०?. गो०! सट्ठाणेणं सत्तसु घणोदहीसु सत्तसु धणोदहिवलयेसु अहोलोए पायालेसु भवणेसु भवणपत्थडेसु उड्ढलोए कप्पेसु विमाणेसु विमाणावलियासु विभाणपत्थ्डेसु तिरियलोए अगडेसु तलाएसु नदीसु दहेसु वावीसु पुक्खरिणीसु दीहियासु गुंजालियासु सरेसु सरेसु सरपंतियासु सरसरपंतियासु बिलेसु बिलपंतियासु उझेसु निझरेसु चिल्ललएसु पल्ललएसु वप्पिणेसु दीवेसु समुद्देसु सव्वेसु चेव जलासएसु जलढाणेसु, एत्थ णं बादरआउकाइयाणं पजत्तगाणं ठाणा पं०, उववाएणं लोयस्स असंखेजइभागे समुग्धाएणं लोयस्स असंखेजइभागे सहाणेणं लोयस्स असंखेज्जइभागे, कहिं णं भंते ! बादरआउकाइयाणं अपज्जत्तगाणं ठाणा पं० ?, गो०! जत्थेव बादरआउकाइयाणं पज्जतगाणं ठाणा पं० तत्थेव बादआउकाइयाणं अपज्जत्तगाणं ठाणा पं०, उववाएणं सव्वलोए समुग्धायेणं सव्वलोए सहाणेणं लोयस्स असंखेजड़भागे, कहिं णं भंते! सुहमआउकाइयाणं पज्जत्तगाणं अपज्जत्तगाण य ठाणा पं०? गो०! सुहुमआउकाइया जे पज्जतगा जे य अपज्जता ते सव्वे एगविहा अविसेसा अणाणत्ता सव्वलोयपरियावनगा पं० समणाउसो !, कहिं गंभंते! बायरतेउकाइयाणं पज्जत्तगाणं ठाणा पं०?, गो०! सहाणेणं अंतोमणुस्सखेत्ते अड्ढाइज्जेसु दीवसमुद्देसु निव्वाधायेणं पन्नरससु कम्मभूमीसु वाधायं पडुच्च् पंचसु महाविदेहेसु एत्थ बादरतेउकाइयाणं पज्जत्तगाणं ठाणा पं०, उववाएणं लोयस्स ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
