________________
Shri Mahavir Jain Aradhana Kendra
www.kobatirth.org
मिच्छत्ताभिगमी नो सम्मामिच्छत्ताभिगमा । ३२३ । देवा णं भंते! किं सदेविया सपरियारा सदेवीया अपरियारा अदेवीया सपरियारा अदेवीया अपरीयारा ?, गो० अत्थेगतिया देवा सदेवीया सपरियारा अत्थे० देवा अदेवीया सपरियारा अत्थे देवा अदेवीया अपरिचारा नो चेव णं देवा सदेवीया अपरिचारा, से केणद्वेणं भंते! एवं वुच्चति अत्थे देवा सदेवीया सपरिचारा तं चेव जाव नो चेव णं देवा सदेविया अप०?, गो० ! भवणपतिवाणमंतर जोतिससोहम्मीसाणेसु कप्पेसु देवा सदेवीया सपरियारा सणकुमारमाहिंदबंभलोगलंतमहासुक्क सहस्सार आणयपाणयआरणच्चएस कप्पेसु देवा अदेवीया सपरिचारा गेवेज्जअणुत्तरोववाइया देवा अदेवीया अपरियारगा नो चेव देवा सदेवीया अपरीचारा से तेणट्टेणं?, गो० ! एवं वुच्चइ - अत्थे० देवा सदेवीया सपरिचारा तं चेव नो चेव णं देवा | सदेवीया अपरियारा । ३२४ । कतिविहा णं भंते! परियारणा पं० ?, गो० ! पंचविहा परियारणा पं० तं०- कायपरियारणा फास० रुवप० सद्द० मणप०, से केणट्टेणं भंते! एवं वुच्चइ पंचविद्या परि० पं० ?, गो० ! भवणवइवाणमंतर जोइसोहम्मीसाणेसु कप्पेसु देवा कायपरि० सणकुमारमाहिंदेसु देवा फासपरि० बंभलोयलंतगेसु देवा रूवपरिया० महासुक्कसहस्सारेसु देवा सद्दप० आणयपाणयआरणच्चएस कम्पेसु देवा मणप० गेवेज्जअणुत्तरोववाइया देवा अपरियारगा, से तेणट्टेणं गो० ! तं चैव जाव मणपरियारगा, तत्थ णं जे ते कायपरियारगा देवा तेसिं णं इच्छामणे समुप्पज्जति इच्छामो णं अच्छराहिं सद्धिं कायपरियारं करेत्तए, तए णं तेहिं देवेहिं एवं मणसीकए समाणे खिप्पामेव ताओ अच्छराओ ओरालातिं सिंगाराई मणुण्णाई मणोहराई मणोरमाई ॥ श्री प्रज्ञापनोपांगम् ॥
पू. सागरजी म. संशोधित
३३१
Acharya Shri Kailassagarsuri Gyanmandir
For Private And Personal Use Only
