________________
Shri Mahavir Jain Aradhana Kendra
www.kobatirth.org
Acharya Shri Kailassa garsuri Gyanmandir
जह० अंतो० उक्को० पुवकोडिं चाहिं वासेहिं अहियं बंधंति, एवं मणुयाउयस्सवि, सेसं जहा एगिदियाणं, जाव अंतराइयस्स, तेइंदिया णं भंते! जीवा णाणावरणिजस्स किं बंधति?, गो०! जह० सागरोवमपण्णासाए तिण्णि सत्तभागा पलितोवमस्स असंखेजइभागेणं ऊणया उक्को० ते चेव पडिपुण्णे बंधति, एवं जस्स जति भागा ते तस्स सागरोवभपण्णासाए सह भाणितव्वा, तेइंदिया णं भंते! मिच्छत्तवेदणिजस्स कम्मस्स किं बंधति?, गो०! जह० सागरोवमपण्णास पलितोवमस्सासंखेजतिभागेणं ऊणयं उको० तं चेव पडिपुण्णं बंधंति, तिरिक्खजोणियाउस्स जह० अंतो० उक्को० पुव्वकोडिं सोलसहिं दिवसेहिं राइंदियतिभागेण य अहियं बंधंति, एवं मणुस्साउयस्सवि, सेसं जहा बेइंदियाणं जाव अंतराइयस्स, चारिदिया णं भंते! जीवा णाणावरणिज्जस्स किं बंधति?, गो०! जह० सागरोवमसयस्स तिण्णि सत्तभागे पलितोवमस्स असंखेजतिभागेणं ऊणए उक्को० ते चेव पडिपुण्णे बंधंति, एवं जस्सजति भागा तस्स सागरोवमसतेण सह भाणितव्वा, तिरिक्खजोणियाउयस्स कम्मस्स जह० अंतो० उक्को० पुवकोडिं दोहिं मासेहिं अहियं, एवं मणुस्साउयस्सवि, सेसं जहा बेइंदियाणं, णवरं मिच्छत्तवेदणिजस्स जह० सागरोवमसतं पलितोवमस्स असंखेजतिभागेणं ऊणयं उक्को० तं चेव पडिपुण्णं बंधंति, सेसं जहा बेइंदियाणं जाव अंतराइयस्स, असण्णी णं भंते! जीवा पंचिंदिया णाणावरणिजस्स कम्मरस किं बंधति?, गो०! जह० सागरोवमसहस्सस्स तिणि सत्तभागे पलितोवमस्सासंखेजतिभागेणं ऊणए उक्को० ते चेव पडिपुण्णे, एवं सो चेव गमो जहा बेइंदियाणं, णवरं सागरोवमसहस्सेण समं भाणितव्वं जस्स जति भागत्ति, || श्री प्रज्ञापनोपांगम् ॥
| ३००
पू. सागरजी म. संशोधित
For Private And Personal Use Only
