________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
असंखेजपएसिए० अणंतपएसिए खंधे० जहेव अट्ठपएसिए तहेव पत्तेयं भाणियव्वं, 'परमाणुमि य तइओ पढमो तइओ य होति दुपएसे। पढमो तइओ नवमो एक्कारसमो य तिपएसे॥१८५॥ पढमो तइओ नवमो दसमो एक्कारसो य बारसमो। भंगा चउप्पएसे तेवीसइमो य, बोद्धव्वा॥६॥ पढमो तइओ सत्तमनवदसइक्कारबारतेरसमो। तेवीसचउव्वीसो पणवीसइमो य पंचमए ॥७॥ बिचउत्थपंचछट्टे पनरस सोलं च सत्तरद्वार। वीसेक्कवीस बावीसगं च वजेज्ज छटुंमि॥८॥ बिचउत्थपंचछट्टे पण्णर सोलंच सत्तरद्वार। बावीसइमविहूणा सत्तपदेसंमि खंधम्मि॥९॥ बिचउत्थपंचछट्टे पण्णर सोलं च सत्तरद्वार। एते वजिय भंगा सेसा सेसेसु खंधेसु॥१९०॥१५८१ कइ णं भंते! संठाणा पं०, गो०! पंच संठाणा पं० ०-परिमंडले वट्टे तंसे चउरंसे आयते य, परिमंडला णं भंते! संठाणा किं संखेज्जा असंखेज्जा अणंता?, गो०! नो संखिज्जा नो असंखेज्जा अणंता, एवं जाव आयता, परिमंडले णं भंते! संठाणे किं संखेज्जपएसिए असंखे० अणंत?, गो०! सिय संखेज० सिय असंखेज्ज० सिय अणंतपदेसिए एवं जाव आयते, परिमंडले णं भंते! संठाणे संखेज्जपएसिए किं संखेञ्जपएसोगाढे असंखेजपए० अणंतपए०?, गो०! संखेन्जपएसोगाढे नो असंखेज्ज० नो अणंत०, एवं जाव आयते, परिमंडले णं भंते! संठाणे असंखेन्जपएसिए किं संखेन्जपएसोगाढे असंखेज्ज० अणंत०?, गो०! सिय संखेज्ज० सिय असंखेज्ज० नो अणंतपएसोगाढे, एवं जाव आयते, परिमंडले० णं भंते संठाणे अणंतपएसिए किं संखेज्ज० असंखेज्ज० अणंतपएसोगाढे?, गो०! सिय संखेज० सिय असंखेज्ज० नो अणंतपएसोगाढे, एवं जाव आयते, || श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
